Author: નોબત સમાચાર
ધાર્મિક લાગણી દુભાય તેવું ગાયન વીડિયો સાથે જોડવા અંગે પોલીસે નોંધ્યો ગુન્હો
રાજ્યસભાના સાંસદ-કોર્પોરેટર સામે ફોજદારીઃ
જામનગર તા.૬ : જામનગરમાં થોડા દિવસ પહેલાં યોજાયેલા સમૂહ શાદી કાર્યક્રમમાં કોંગ્રેસના રાજ્ય સભાના સાંસદ સહિતના વ્યક્તિઓ હાજર રહ્યા હતા. તે પ્રસંગનો એક વીડિયો સોશિયલ મીડિયામાં વાયરલ થયો છે. જેમાં દેશની એકતા જોખમાય અને ધાર્મિક લાગણી દુભાય તેવું ગાયન જોડવામાં આવતા સાંસદ અને કાર્યક્રમના આયોજક નગરસેવક સામે પોલીસે ગુન્હો નોંધ્યો છે.
જામનગરમાં થોડા દિવસો પહેલાં મુસ્લિમ સમાજની સમૂહ શાદીનો એક કાર્યક્રમ યોજાયો હતો. જેમાં રાજ્યસભાના સાંસદ ઈમરાન પ્રતાપગઢી તેમજ અન્ય વ્યક્તિઓ ઉપસ્થિત રહ્યા હતા. જ્યારે જામનગર મહાનગરપાલિકાના વિરોધપક્ષના પૂર્વ નેતા અલ્તાફ ખફી પણ તેમાં હાજર હતા.
આ વેળાએ કોઈએ વીડિયો બનાવી તેને સોશિયલ મીડિયામાં વાયરલ કર્યાે હતો. તે પહેલાં આ વીડિયોમાં લોકોની ધાર્મિક લાગણી દુભાય તે પ્રકારનું ગાયન એડ કરવાની સાથે દેશની એકતા પણ જોખમાય તેવા કથનો કરવામાં આવ્યા હતા. આ વીડિયો વાયરલ થતાં પોલીસને જાણ થઈ હતી. તેની તપાસ માટે એસપી પ્રેમસુખ ડેલુએ હુકમ કર્યાે હતો.
તે વીડિયો અંગે સિટી ડીવાયએસપી જે.એન. ઝાલાના વડપણ હેઠળ સિટી એ ડિવિઝનના પીઆઈ એન.એ. ચાવડા તથા સ્ટાફે તપાસ શરૂ કરી હતી. તેમાં આ વીડિયો મળી આવતા શનિવારે રાજ્ય સભાના સાંસદ ઈમરાન પ્રતાપગઢી અને સમૂહશાદીના આયોજક નગરસેવક અલ્તાફ ખફી સામે ગુન્હો નોંધાયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
