Advertisement
Author: નોબત સમાચાર

ગંજીપાના વડે જુગાર રમતા છ શખ્સ ઝબ્બે

ધ્રોલમાંથી તીનપત્તી રમતા ચાર ઝડપાયાઃ

જામનગર તા.૬ : જામનગરના ઠેબા ગામની સીમમાં એક ખેતર સ્થિત ઓરડીમાં નાલ ઉઘરાવી જુગાર રમાડાતો હોવાની બાતમી પરથી ગઈકાલે એલસીબીએ પાડેલા દરોડામાં ગંજીપાનાથી જુગાર રમતા છ શખ્સ રૂપિયા અઢી લાખના મુદ્દામાલ સાથે ઝડપાઈ ગયા છે. ધ્રોલમાંથી ચાર શખ્સ તીનપત્તી રમતા મળી આવ્યા છે.

જામનગર-કાલાવડ રોડ પર આવેલા ઠેબા ગામ સીમમાં એક ખેતરમાં ગઈકાલે સાંજે જુગાર રમાતો હોવાની બાતમી પરથી એલસીબીના સ્ટાફે પીઆઈ વી.એમ. લગારીયાની સૂચનાથી દરોડો પાડ્યો હતો.

ત્યાં આવેલા નવાગામ ઘેડ સ્થિત માડમ ફળીયામાં રહેતા ગૌરવ રોહિતભાઈ માડમના ખેતરની ઓરડીમાંથી ગંજીપાના વડે જુગાર રમી રહેલા ગૌરવ માડમ, રવિ અજીતભાઈ સંચાણીયા, વિપુલ જીવરાજ માવલા, વિજય સવદાસભાઈ ચેતરીયા, સંજય બટુકભાઈ ચંદ્રેશા, હરેશ ગોવિંદભાઈ પરમાર નામના છ શખ્સ મળી આવ્યા હતા. એલસીબીએ પટમાંથી રૂ.૭૫ હજાર રોકડા, છ મોબાઈલ, ત્રણ બાઈક મળી કુલ રૂ.અઢી લાખનો મુદ્દામાલ કબજે કર્યાે છે. તમામ સામે પંચકોશી એ ડિવિઝનમાં જુગારધારાની કલમ ૪, ૫ હેઠળ ગુન્હો નોંધાયો છે.

ધ્રોલ શહેરમાં કેજીએન પાર્ક પાસે ગઈકાલે સાંજે એક શખ્સના મકાન નજીક તીનપત્તી રમતા એજાઝ ફિરોઝભાઈ તાયાણી, ઈમરાન ફારૂકભાઈ નાગાણી, અમીરહુસેન ઉર્ફે અમુડા જાવિદભાઈ સુમારીયા, અલ્તાફ ફારૂકભાઈ નાગાણી નામના ચાર શખ્સ પોલીસના દરોડામાં ઝડપાયા હતા. પટમાંથી રૂ.૬૩૫૦ કબજે કરવામાં આવ્યા છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh