જામનગરના આસામીને ચેક પરત કેસમાં છ મહિનાની કેદ અને ૬૦ હજારનો દંડ

Author: નોબત સમાચાર

જામનગરના આસામીને ચેક પરત કેસમાં છ મહિનાની કેદ અને ૬૦ હજારનો દંડ

સિક્યુરિટી પેટે ચેક આપ્યાની દલીલ માન્ય ન રહીઃ

જામનગર તા.૬ : જામનગરના ધુંવાવ ગામના એક આસામીને રૂ.૬૦ હજારના ચેક પરતના કેસમાં અદાલતે છ મહિનાની કેદની સજા ફટકારી છે. ચેકની રકમ વળતર પેટે ચૂકવી આપવાનો આદેશ કરાયો છે.

જામનગર નજીક ધુંવાવમાં રહેતા વલ્લભભાઈ નારણભાઈ પરમારે મિત્રતાના દાવે જીતેન્દ્રભાઈ પ્રેમજીભાઈ પરમાર પાસેથી રૂ.૬૦ હજાર હાથ ઉછીના મેળવ્યા હતા. તે માટે પ્રોમીસરી નોટ લખી આપી હતી વલ્લભભાઈએ ચેક પણ આપ્યો હતો. તે ચેક જીતેન્દ્રભાઈએ પોતાના બેંક ખાતામાં ત્રણ વખત જમા કરાવ્યો હતો.

ત્રણેય વખત અપૂરતા નાણા ભંડોળના કારણે તે ચેક પરત થયો હતો. તેથી નોટીસ પાઠવ્યા પછી જીતેન્દ્રભાઈએ અદાલતમાં ફરિયાદ નોંધાવી હતી. તે કેસ ચાલી જતાં અદાલતે આરોપીને તક્સીરવાન ઠરાવી છ મહિનાની કેદની સજા અને રૂ.૬૦ હજાર વળતર પેટે ચૂકવી આપવાનો હુકમ કર્યાે છે. ફરિયાદી તરફથી વકીલ અજય પટેલ, હરીશ ગોહિલ રોકાયા હતા. આરોપી પક્ષે ઉપરોક્ત ચેક સિક્યુરિટીમાં આપવામાં આવ્યો હોવાની અને તે રકમ પાંચ ટકા વ્યાજે અપાઈ હોવાની દલીલો પણ કરી હતી પરંતુ તેનો લેખિત કે મોખિક પુરાવો રજૂ ન થતાં તે દલીલ ગ્રાહ્ય રાખવામાં આવી ન હતી.

જો આપને આ પોસ્ટ ગમી હોય તો શેર કરો...