Author: નોબત સમાચાર
બેરાજા ગામના પાટિયા પાસે દંપતીના બાઈકને ઈકો મોટરે મારી ટક્કરઃ બંનેને ઈજા
કાલાવડ પાસે બે બહેનના સ્કૂટરને ટ્રકની ઠોકરઃ
જામનગર તા. ૨૧: કાલાવડ શહેરમાં પ્રવેશવાના માર્ગ પર ગયા રવિવારે સાંજે બે બહેનો જે સ્કૂટરમાં જતા હતા તેને ટ્રકે ઠોકર મારતા બંને બહેનોને ફ્રેક્ચર થઈ ગયા છે. જ્યારે કાલાવડ ધોરીમાર્ગ પર બેરાજા ગામના પાટીયા પાસે દંપતીના બાઈક સાથે ઈકો મોટર ટકરાતા દંપતી ઘવાયું છે.
કાલાવડ શહેરમાં અમીપીર કોલોનીમાં રહેતા શોયબભાઈ ગફારભાઈ પટેલના પત્ની નફીશાબેન અને સાળી રાભીયાબેન ગયા રવિવારે સાંજે જામનગર રોડ પર આવેલા એક રેસ્ટોરન્ટમાં બાળકીને હિચકા ખાવા માટે લઈ ગયા હતા. ત્યાંથી બંને બહેનો સ્કૂટર પર પરત આવતા હતા ત્યારે આઈટીઆઈ સામે રોડ પર એમપી-૧૩-જીએ ૩૯૫૮ નંબરના ટ્રકે સ્કૂટરને ઠોકર મારી હતી. અકસ્માતમાં નફીશાબેન, રાભીયાબેનને ફ્રેક્ચર સહિતની ઈજાઓ થઈ છે. કાલાવડ શહેર પોલીસ સ્ટેશનમાં તેની ફરિયાદ કરવામાં આવી છે.
જામનગર-કાલાવડ ધોરી માર્ગ પર સપડા ગામમાં રહેતા પબાભાઈ લુણાભાઈ વિજાણી તથા તેમના પત્ની બુધવારે સાંજે બેરાજા ગામના પાટીયા પાસેથી જીજે-૧૦-સીઆર ૭૩૦૬ નંબરના બાઈકમાં જતા હતા ત્યારે ત્યાં એક હોટલે ચા પીવા પબાભાઈએ બાઈક ઉભુ રાખતા સામેથી પુરપાટ ઝડપે ધસી આવેલી જીજે-૧૦-ડીએન ૧૯૮૫ નંબરની ઈકો મોટરે ઠોકર મારી હતી. આ અકસ્માતમાં પબાભાઈને ફ્રેક્ચર થઈ ગયું છે અને દાંત પડી ગયા છે. જ્યારે તેમના પત્ની રાણીબેનને પણ ઈજા થઈ છે. અકસ્માત સર્જી મોટરચાલક મોટર મૂકીને નાસી ગયો છે. પબાભાઈએ મોટરચાલક સામે પંચકોશી એ ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
