જામનગરમાં ભાજપ મહાનગર સદસ્યતા અભિયાન અંગે બેઠક યોજાઈ

Author: નોબત સમાચાર

જામનગરમાં ભાજપ મહાનગર સદસ્યતા અભિયાન અંગે બેઠક યોજાઈ

ભાજપ પ્રદેશ મહામંત્રીના અધ્યક્ષ પદે મહાનુભાવોની ઉપસ્થિતિમાં

જામનગર તા. ર૧: ભારતીય જનતા પાર્ટી વિશ્વની સહુથી મોટી રાજકીય પાર્ટી બની છે. નરેન્દ્રભાઈ મોદીના નેતૃત્વમાં દેશ વિશ્વ સ્તરે અગ્રેસર બન્યો છે. ભારતના પ્રત્યેક નાગરિકને ભારતીય જનતા પાર્ટી સાથે જોડાઈ દેશને વધુને વધુ મજબૂત બનાવવા, વિકસિત ભારત મલના નિર્માણમાં પોતાનું યોગદાન પ્રદાન કરવા અર્થે સદસ્યતા અભિયાન હાથ ધરવામાં આવ્યું છે.

ભારતીયજનતા પાર્ટીના બંધારણ મુજબ દરેક કાર્યકર્તાઓની પ્રાથમિક સદસ્યતાની અવધિ પ વર્ષની રહે છે, અર્થાત્ ૬ વર્ષ પછી દરેક કાર્યકર્તાએ ફરી સદસ્ય બનવું પડે છે. આ સદસ્યતા અભિયાન બહોળા પ્રમાણમાં લોકો ભારતીય જનતા પાર્ટીના સદસ્ય બની રહ્યા છે. ડિજિટલ ટેકનોલોજીના માધ્યમ થકી ખૂબ સરળતાથી લોકો ભારતીય જનતા પાર્ટીમાં જોડાઈ દેશના વિકાસમાં પોતાનું યોગદાન પ્રદાન કરી શકે છે. આ અંતર્ગત ભારતીયજનતા પાર્ટી જામનગર મહાનગર દ્વારા સદસ્યતા અભિયાન સંદર્ભે બેઠકનું આયોજન કરવામાં આવ્યું હતું. હાલ ભારતીય જનતા પાર્ટીના પ્રત્યેક કાર્યકર્તાઓ, નેતાઓ ઘરે ઘરે જઈ લોકોનો સંપર્ક કરી, તેઓને વિશ્વની સહુથી મોટી રાજકીય પાર્ટીના પ્રાથમિક સભ્યોની નોંધણી કરી રહ્યા છે. નરેન્દ્રભાઈ મોદીના નેતૃત્વથી પ્રેરિત થઈ લોકોમાં પણ પ્રાથમિક સદસ્ય બની, પ્રાથમિક સદસ્યતા કાર્ડ મેળવી અનેરો ઉત્સાહ જોવા મળી રહ્યો છે. ભારતીય જનતા પાર્ટી જામનગર મહાનગર દ્વારા આ અભિયાનને વધુ વેગવંતુ બનાવવા એક બેઠકનું આયોજન કરવામાં આવ્યું હતું. સાંસદ અને પ્રદેશ ભાજપ મહામંત્રી વિનોદભાઈ ચાવડાની અધ્યક્ષતામાં આ બેઠક યોજાઈ હતી.

આ બેઠકમાં ભારતીય જનતા પાર્ટી શહેર અધ્યક્ષ ડો. વિમલ કગથરા, પ્રદેશ મહામંત્રી તથા સાંસદ વિનોદ ચાવડા, સાંસદ રામભાઈ મોકરિયા, પ્રભારી પલ્લવીબેન ઠાકર, ધારાસભ્ય રિવાબા જાડેજા, મહામંત્રી પ્રકાશ બામણિયા, વિજયસિંહ જેઠવા, મેરામણ ભાટુ, કમલેશ મીરાણી, મેયર વિનોદ ખીમસૂર્યા, ડે. મેયર ક્રિષ્નાબેન સોઢા, સ્ટે. કમિટી ચેરમેન નિલેશ કગથરા, શાસક પક્ષ નેતા આશિષ જોષી, દંડક કેતન નાખવા, પૂર્વ અધ્યક્ષો, પૂર્વ મેયરો, પૂર્વ ધારાસભ્યો સહિત શહેર સંગઠનના હોદ્દેદારો, વોર્ડ પ્રભારી, વોર્ડ અધ્યક્ષ સહિત મોરચાના પદાધિકારીઓ ઉપસ્થિત રહ્યા હતાં.

જો આપને આ પોસ્ટ ગમી હોય તો શેર કરો...