Author: નોબત સમાચાર
પ્લોટ પોલીસ ચોકી, વોર્ડ ઓફિસ સહિતની જગ્યા સામેનો એક આસામીનો દાવો નામંજૂર
આસામીને અદાલતે ફટકાર્યાે રૂ.૧૦ હજારનો દંડઃ
જામનગર તા. ૭: જામનગરના પાછલા તળાવ પાસે આવેલી એક જગ્યામાં દસ વર્ષ પહેલાં પોલીસ ચોકી તેમજ વોર્ડ ઓફિસ બનાવવા જામનગર મહાનગરપાલિકા દ્વારા કરાયેલી તજવીજ સામે એક આસામીએ અદાલતમાં દાવો કર્યાે હતો. તે દાવો અદાલતે નામંજૂર રાખી રૂ.૧૦ હજારનો દંડ ફટકાર્યાે છે.
જામનગરના સુમેર કલબ રોડ પર પાછલા તળાવ પાસે આવેલા પ્લોટ નં.૩૫૭માં વર્ષ ૨૦૧૫માં જામ્યુકો દ્વારા વોર્ડ ઓફિસ, પોલીસ સ્ટેશનનું બાંધકામ હાથ ધરાયું હતું. તેની સામે વિનેશ ઝવેરચંદ શાહ નામના આસામીએ અદાલતમાં દાવો કરી જણાવ્યું હતું કે, તેના કારણે તેમના રહેણાંકમાં હવા-ઉજાસ બંધ થઈ જાય છે અને જામ્યુકોને આ પ્રકારનું બાંધકામ કરવા કોઈ હક્ક નથી.
તે દાવામાં જામ્યુકો દ્વારા દલીલ કરાઈ હતી કે વિનેશ શાહની માલિકીની જગ્યાની પૂર્વ બાજુએ કોઈ રસ્તો નથી, અંદાજે પચ્ચાસેક વર્ષથી વરસાદી પાણી તળાવમાં પહોંચે તે માટે કાચી કેનાલ છે અને પડતર જમીન છે. તે જમીન પર જામ્યુકોએ લોકહિતને ધ્યાનમાં રાખીને દિ. પ્લોટ પોલીસ ચોકી બનાવવાનું અને વોર્ડ ઓફિસનું આયોજન કર્યું છે. તે માટે મંજૂરી પણ લેવામાં આવી છે.
દાવા અન્વયે બંને પક્ષ તરફથી રજૂ થયેલી દલીલો સાંભળ્યા પછી અદાલતે વાદીનો કાયમી મનાઈ હુકમ મેળવવાનો દાવો રદ્દ કરી જામ્યુકોને થયેલો ખર્ચ પણ વાદીએ ચૂકવવો તેવો હુકમ કર્યાે છે. જામ્યુકો તરફથી વકીલ વિરલ રાચ્છ, સોહિલ બેલીમ, સોનલ મહેતા, વાશ્વી શેઠ, સલમાન શેખ, પ્રાંજલ શાહ રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
