દ્વારકામાં આઉટ ઓફ ડેઈટવાળી કોરોના ટેસ્ટીંગ કીટથી ખાનગી ટેસ્ટીંગ ઝડપાઈ

Author: નોબત સમાચાર

દ્વારકામાં આઉટ ઓફ ડેઈટવાળી કોરોના ટેસ્ટીંગ કીટથી ખાનગી ટેસ્ટીંગ ઝડપાઈ

જિલ્લા આરોગ્ય અધિકારી દ્વારા કડક કાર્યવાહીઃ

ખંભાળિયા તા. ૭: દેવભૂમિ દ્વારકા જિલ્લામાં સલાયા, મીઠાપુર તથા દ્વારકામાં કોરોનાના એક-બે કેસ આવ્યાની જાણ થવાની સાથે આરોગ્ય તંત્ર હરકતમાં આવ્યું હતું તથા જિલ્લા આરોગ્ય અધિકારી ડો. ચીરાગ ચોબિયા દ્વારા ચેકીંગ કરાવાતા બે-અઢી વર્ષ પહેલાની જુની ટેસ્ટીંગ કીટ જે આઉટ ઓફ ડેઈટ થઈ ગઈ હોય, તેમાં ખાનગી ટેસ્ટીંગ થતું હોવાનું બહાર આવતા કડક કાર્યવાહી હાથ ધરાઈ છે.

દ્વારકામાં એક ખાનગી લેબના ટેસ્ટીંગમાં કોરોના પોઝિટિવના સેમ્પલનું જી.જી. હોસ્પિટલમાં ટેસ્ટીંગ થતા રિપોર્ટ નેગેટીવ આવ્યો હતો. જ્યાં જ્યાં શંકાસ્પદ હોય, તેવા તમામ લોકોના સેમ્પલ લઈને જામનગર જી.જી. હોસ્પિટલમાં ટેસ્ટીંગ માટે મોકલવા વ્યવસ્થા કરાઈ છે. આ પછી પોઝિટિવ હશે તો સત્તાવાર જાહેરાત થશે.

જુની આઉટ ઓફ ડેઈટ કીટોના ટેસ્ટીંગ કીટ ઉપયોગ કરનારા ખાનગી લેબવાળા સામે કડક કાર્યવાહી કરવામાં આવશે. કોરોનાની ની લહેર આવી છે ત્યારે દ્વારકા જિલ્લાના સરકારી આરોગ્ય તંત્રને નવી કીટો ફાળવવાની માગ કરવામાં આવી છે, જેથી હાલ દ્વારકાની તમામ હોસ્પિટલોમાંથી છેક જામનગર સેમ્પલ ટેસ્ટ કરવા મોકલવા પડે છે તે ના કરવું પડે.

જો આપને આ પોસ્ટ ગમી હોય તો શેર કરો...