બેંગ્લોર ભાગદોડના સ્થળેથી દોઢસો કોથળા ભરાય તેટલા જુતા-ચપ્પલઃ લોહીના નિશાન પણ દેખાયા

Author: નોબત સમાચાર

બેંગ્લોર ભાગદોડના સ્થળેથી દોઢસો કોથળા ભરાય તેટલા જુતા-ચપ્પલઃ લોહીના નિશાન પણ દેખાયા

દુર્ઘટનામાં જીવ ગુમાવનાર ૧૧ લોકોની ઉંમર ૩૫ વર્ષથી ઓછી હતી

બેંગ્લોર તા. ૭: ભાગદોડ ઘટના સ્થળેથી ૧૫૦ કોથળા ભરાય એટલા જુતા-ચપ્પલ મળી આવ્યા હતા, અને સફાઈ કરતી વખતે ભયાનક દૃશ્ય જોઈને સફાઈ કામદારો ધ્રુજી ગયા હતા.

આરસીબીની ટીમ આઈપીએલની ફાઈનલમાં વિજેતા બન્યાની ઉજવણી ૧૧ પરિવારો માટે શોકમાં ફેરવાઈ ગઈ હતી. બુધવારે, બેંગલુરૂના યુવાનો લાખોની સંખ્યામાં તેમના પ્રિય ટીમને ટેકો આપવા માટે રસ્તાઓ પર ઉતરી આવ્યા હતા. ચિન્નાસ્વામી સ્ટેડિયમની બહાર ભાગદોડમાં મૃત્યુ પામેલા તમામ ૧૧ લોકો યુવાનો હતા. તેમની ઉંમર ૩૫ વર્ષથી ઓછી હતી. ગુરુવારે, સ્ટેડિયમની બહાર બધે વિનાશનો માહોલ હતો. ફાટેલા કપડાં, જૂતા અને અન્ય વસ્તુઓ વેરવિખેર પડી હતી. સ્ટેડિયમના ગેટ નંબર ૭, ૧૮, ૨૧ અને ૨ પાસે એટલા બધા જૂતા અને ચંપલ મળી આવ્યા હતા કે ૧૫૦ બોરી ભરાઈ ગઈ હતી. તે જૂતામાંથી ઘણા પર લોહીના નિશાન હતા, જે સુકાઈ ગયા હતા. બાળકોના જૂતા જોઈને સફાઈ કામદારો ગભરાઈ ગયા હતા.

આ દુર્ઘટનામાં જીવન ગુમાવનાર ૧૧ લોકોની ઉમંર ૩૫ વર્ષથી ઓછી હતી. જે પૈકી ૧૪ વર્ષની દિવ્યાંશીને ખ્યાલ નહોતો કે તે ચિન્નાસ્વામી સ્ટેડિયમ નહીં, પણ મૃત્યુના મુખમાં જઈ રહી છે. બેંગલુરુમાં થયેલી ભાગદોડમાં મૃત્યુ પામેલા લોકોમાં ૧૯ વર્ષીય ચિન્મય અને ૧૭ વર્ષીય શિવલિંગનો સમાવેશ થાય છે. આ અકસ્માતમાં ૨૦ વર્ષીય ભૂમિકા અને શ્રવણનું પણ મળત્યુ થયું હતું. અન્ય મળતકોની ઓળખ દુરેસા (૩૨ વર્ષ), સહાના (૨૫ વર્ષ), દેવી (૨૯ વર્ષ), અક્ષતા (૨૭ વર્ષ) તરીકે થઈ હતી.

આ ઉપરાંત, ૪૭ લોકો ગંભીર રીતે ઘાયલ થયા હતા. એક સુરક્ષા ગાર્ડે જણાવ્યું હતું કે તેણે સેંકડો લોકોને પડતા, લંગડાતા અને પીડાથી ચીસો પાડતા જોયા હતા. ભાગદોડ પછીની સવારે ભયાનક હતી. ચંપલ અને જૂતા બધે વેરવિખેર હતા. ગેટ નંબર ૭ પર દૃશ્ય પીડાદાયક હતું. સ્ટેડિયમના મુખ્ય દરવાજા ઉપર કાંટાળા તારની વાડ પર ફાટેલા શર્ટ અને ટ્રાઉઝર લટકાવેલા હતા. કબ્બન પાર્કથી લાવવામાં આવેલા છોડ કચડી નાખવામાં આવ્યા હતા. દરેક આકાર, કદ અને રંગના સેંકડો જોડી જૂતા પણ વિખેરાઈ ગયા હતા. કામદારોને કચરો, જૂતા, ફાટેલા કપડાં, તૂટેલા ચશ્મા, ટોપીઓ અને ધ્વજ એકત્રિત કરવામાં કલાકો લાગ્યા હતા. ૧૫૦ બોરીઓ જૂતા અને ચંપલથી ભરેલી હતી. સ્ટેડિયમની અંદર પણ નુકસાન થયું હતું. દરવાજા તૂટેલા હતા. સીડીઓને નુકસાન થયું હતું. વોશ બેસિન અને અન્ય વસ્તુઓ તૂટી ગઈ હતી. દીવાલો પડી ગઈ હતી અને વાડ વાંકા થઈ ગઈ હતી.

છેલ્લા પાંચ વર્ષથી સ્ટેડિયમમાં કામ કરતી રૂપાએ કહૃાું કે તેણે પહેલાં કયારેય આવું કંઈ જોયું નહોતું. રૂપાએ કહૃાું કે તે દરેક મેચ પછી સાફ કરે છે, પરંતુ ગુરુવારની સવાર ખૂબ જ આંસુઓ ફેલાવનારી હતી. રૂપાએ કહૃાું કે તેને બધા પ્રકારના જૂતા મળ્યા. મોંઘા જૂતા, ચળકતી મહિલાઓના ચંપલ અને પાંચ વર્ષના બાળકોના ચંપલ. રૂપાએ કહૃાું કે જો ભીડમાં કચડીને મરવું પડે તો ધનવાન બનવાનો કે સારા કપડાં પહેરવાનો શું ફાયદો. અન્ય એક કર્મચારી સુબુલીએ જણાવ્યું કે તે ૨૦૧૫ થી સ્ટેડિયમમાં કામ કરી રહી છે. ભાગદોડ પછી બીજા દિવસે સવારે સ્ટેડિયમની હાલત જોઈને તેનું હ્ય્દય દુઃખી થઈ ગયું. તેણે કહૃાું કે સવારે એવું લાગતું હતું કે યુદ્ધ થયું હોય. સુબુલીને એક નાના બાળકનો ચંપલ મળ્યો. તેણે વિચાર્યું કે જો તેનું બાળક ત્યાં હોત તો શું થાત ?

જો આપને આ પોસ્ટ ગમી હોય તો શેર કરો...