Author: નોબત સમાચાર
પોલીસ અરજી પાછી ખેંચી લેવા દબાણ કરી ત્રણ શખ્સે બે યુવાનને લમધાર્યા
મહિલાના ઘેર ધસી આવી મચાવાઈ ધમાલઃ
જામનગર તા.૭ : જામનગરના રામેશ્વરનગર પાછળ જલારામ પાર્કમાં રહેતા એક મહિલાના ઘેર ગઈકાલે સાંજે ધસી ગયેલા ત્રણ શખ્સે પોલીસમાં કરેલી અરજી પાછી ખેંચી લેવા દબાણ કરી આ મહિલા તથા તેમના બે પુત્ર સાથે બોલાચાલી કર્યા પછી બે પુત્રને માર મારી જાનથી મારી નાખવાની ધમકી આપ્યાની પોલીસમાં ફરિયાદ કરાઈ છે.
જામનગરના રામેશ્વરનગર પાછળ આવેલા જલારામ પાર્ક ૧માં રહેતા રસીલાબેન નાગજીભાઈ લાઠીયા નામના પ્રૌઢા ગઈકાલે સાંજે પોતાના ઘરે હતા ત્યારે બળદેવસિંહ જાડેજા ઉર્ફે લાલીયો તથા બે અજાણ્યા શખ્સ આવ્યા હતા.
આ શખ્સો પૈકીના લાલીયા સામે થોડા દિવસ પહેલાં રસીલાબેને પોલીસમાં અરજી કરી હતી. તે અરજી પાછી ખેંચી લેવાનું કહી ઉપરોક્ત શખ્સોએ રસીલાબેનના પુત્ર વિશાલ સાથે બોલાચાલી કરી હતી. તેથી રસીલાબેન બહાર આવ્યા હતા. તે પછી વિશાલને લાલીયાએ ફડાકા ઝીંકી ઢીકાપાટુથી માર માર્યાે હતો. તેને બચાવવા વચ્ચે પડેલા વિશાલના ભાઈને બે અજાણ્યા શખ્સે ધોકાવ્યો હતો અને પગમાં લાકડીથી ફટકો માર્યાે હતો. સિટી બી ડિવિઝન પોલીસ સ્ટેશનમાં તેની ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
