Author: નોબત સમાચાર
પીકઅપ વાનમાં ઈંગ્લીશ દારૂની ૪૫૬ બોટલ લઈને જતાં બે ઝડપાયા
સપ્લાયરનું નામ ઓકાવતી એલસીબીઃ ૧૦ લાખ ઉપરાંતનો મુદ્દામાલ કબજે કરાયોઃ
જામનગર તા.૭ : જામનગર-ખંભાળિયા ધોરી માર્ગ પર આવેલા ગોરધનપર ગામ પાસે જીજે-૨૭-ટીટી ૧૦૬૩ નંબરના પીકઅપ વાનમાંથી એલસીબીએ પૂર્વ બાતમીના આધારે ઈંગ્લીશ દારૂની ૩૮ પેટી કબજે કરી છે. ૪૫૬ બોટલ સાથે જામનગરના બે દેવીપુજક શખ્સની અટકાયત કરાઈ છે. આ શખ્સોએ તે જથ્થો સપ્લાયર કરનાર કામદાર કોલોનીના શખ્સનંુ નામ આપ્યું છે. કુલ રૂ.૧૦ લાખ ઉપરાંતનો મુદ્દામાલ ઝબ્બે લેવાયો છે.
જામનગરર-ખંભાળિયા માર્ગ પર આવેલા ગોરધનપર પાટીયા પાસે એક વાહનમાં ઈંગ્લીશ દારૂની હેરાફેરી થઈ રહી હોવાની બાતમી સ્થાનિક ગુન્હાશોધક શાખાના ક્રિપાલ સિંહ, અરજણભાઈ, સુમિત શિયારને મળતા પીઆઈ વી.એમ. લગારીયાને વાકેફ કરાયા પછી પીએસઆઈ પી.એન. મોરી, સી.એમ. કાંટેલીયાના વડપણ હેઠળ એલસીબી ટીમ વોચમાં હતી.
તે દરમિયાન એક પીકઅપ વાન ત્યાંથી મળી આવતા તેની તલાશી લેવાઈ હતી. જેમાંંથી ભારતીય બનાવટના અંગ્રેજી શરાબની ૪૫૬ બોટલ ભરેલી ૩૮ પેટી મળી આવી હતી.
અંદાજે રૂ.૩,૨૭,૪૩૨ની કિંમતનો દારૂનો જથ્થો, રૂ.૭ લાખનું પીકઅપ વાન અને એક મોબાઈલ મળી કુલ રૂ.૧૦,૩૨,૪૩૨નો મુદામાલ કબજે કરી એલસીબીએ ગોરધનપર નજીકના માધવ વીલા પાસે રહેતા રવિ સુનિલ મકવાણા, દિગ્વિજય પ્લોટ-પ૮ માં દેવીપુજકવાસમાં રહેતા બાદલ બિજલ પરમારની અટકાયત કરી છે. બંને શખ્સની પૂછપરછ કરાતા તેઓએ આ જથ્થો જામનગરની કામદાર કોલોનીમાં રહેતા હીરેન ઈન્દ્રજીત ચંદન પાસેથી લીધો હોવાની કબૂલાત કરી છે. ત્રણેય સામે એલસીબીએ ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
