Author: નોબત સમાચાર
જામનગરની પેઢીના દાવા સામે રાજસ્થાનની પેઢીની લિવ ટુ ડિફેન્ડની અરજી કરાઈ મંજૂર
સમરી રીતે દાવો ચલાવવા પાત્ર નથી તેવી દલીલ ગ્રાહ્યઃ
જામનગર તા.૭ : જામનગરની એક પેઢીએ રાજસ્થાનની પેઢી પાસે રૂ.પ લાખ ઉપરાંતની લેણી રકમ વસૂલવા અદાલતમાં દાવો કર્યાે હતો. તે દાવામાં પ્રતિવાદી પેઢીએ સમરી રીતે દાવો ચલાવવા પાત્ર નથી તેમ જણાવી લિવ ટુ ડિફેન્ડની અરજી કરી હતી. તે અરજી અદાલતે મંજૂર રાખી છે.
જામનગરમાં વસવાટ કરતા અને વિશ્વકર્મા એન્જિ. વર્કસ નામથી પેઢી ચલાવતા અતુલ રતીલાલ ભારદીયા દ્વારા વર્ષ ૨૦૧૮માં રાજસ્થાનની સાઈન મેટલ એન્ડ આલોય સામે દાવો કર્યાે હતો. તેમાં જણાવાયા મુજબ સાઈન મેટલ દ્વારા તેમની જરૂરિયાત મુજબ માલ મંગાવાયો હતો. તે માલના બીલ પેટે અતુલ ભારદીયાએ રૂ.૫ લાખ ૭૦ હજાર લેવાના બાકી હતા. તે રકમની વસૂલાત માટે કોર્ટમાં દાવો કરાયો હતો.
તે દાવાની નોટીસ બજતા રાજસ્થાની પ્રતિવાદી પેઢી તરફે તેમના વકીલ હાજર થયા હતા. તે દાવો ચાલી જતા પ્રતિવાદી પેઢીએ લિવ ટુ ડિફેન્ડની અરજી કરી બિનશરતી બચાવ માંગ્યો હતો અને વાદીનો દાવો સમરી રાહે ચલાવવા પાત્ર નથી તેવી દલીલ કરી વાદીએ મહત્ત્વની હકીકતો છુપાવી દાવો કર્યાે છે તેવી રજૂઆત કરી હતી. અદાલતે બંને પક્ષની દલીલો સાંભળ્યા પછી પ્રતિવાદી રાજસ્થાની પેઢીની લિવ ટુ ડિફેન્ડની અરજી કોઈપણ જાતની રકમ જમા કરાવ્યા વગર બિનશરતી બચાવ રજૂ કરવાની અરજી મંજૂર રાખી છે. રાજસ્થાનની પેઢી તરફથી વકીલ વિરલ રાચ્છ, સોહિલ બેલીમ, વાશ્વી શેઠ, સલમાન શેખ, પ્રાંજલ શાહ રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
