Author: નોબત સમાચાર
દફ્તરમાંથી મોબાઈલ મળી આવ્યા પછી ડઘાયેલી વિદ્યાર્થિનીએ ખાઈ લીધો ફાંસો
શિક્ષકને વાલીને જાણ ન કરવા વિનંતી કરી હતીઃ
જામનગર તા.૨૪ : જામનગરના હાપામાં રહેતી એક વિદ્યાર્થિનીના સ્કૂલ બેગમાં મોબાઈલ મળ્યો હતો. શિક્ષકે વાલીને જાણ કરવાનું કહેતા આ તરૂણી ડઘાઈ હતી અને ગુમસુમ બની ગઈ હતી. તેણીએ ગળાફાંસો ખાઈ આત્મહત્યા કરી લેતાં ચકચાર જાગી છે. પોલીસે તેણીના પિતાનું નિવેદન નોંધ્યું છે.
જામનગર નજીક હાપા પાસે આવેલા જવાહરનગરમાં રહેતા રમેશભાઈ વાલજીભાઈ સોયગામા નામના કોળી પ્રૌઢની પુત્રી દિક્ષીતા (ઉ.વ.૧પ)એ શનિવારે સવારે સાડા છએક વાગ્યે પોતાના ઘરની ઓસરીમાં રહેલા એક એંગલમાં સાડી વડે ગળાફાંસો ખાઈ લીધો હતો.
આ તરૂણીને નીચે ઉતારી સારવાર માટે ખસેડવામાં આવી હતી. ત્યાં તેણીનું મૃત્યુ નિપજ્યું છે. બનાવની પોલીસને જાણ કરાતા દોડી આવેલા પંચકોશી એ ડિવિઝનના સ્ટાફે મૃતદેહને પીએમ માટે ખસેડી પિતા રમેશભાઈનું નિવેદન નોંધ્યું છે.
પોલીસ સમક્ષ પિતાએ જણાવ્યા મુજબ તેમની પુત્રી હાપામાં એક શાળામાં ધો.૯માં અભ્યાસ કરતી હતી. થોડા દિવસ પહેલાં શાળામાં કોઈ કારણથી શિક્ષકે દિક્ષીતાના દફ્તરને ચકાસતા તેમાંથી મોબાઈલ મળી આવ્યો હતો. શાળામાં ફોન લઈ આવવાની મનાઈ હોવા છતાં દિક્ષીતા ફોન સાથે રાખીને શાળાએ આવી હોય તે બાબતની વાતચીત કરવા માટે દિક્ષીતાના વડીલને જાણ કરવાની હતી પરંતુ આ વિદ્યાર્થિનીએ મારા પિતા કે દાદીને વાત ન કરતા તેઓ મારશે તેમ કહી વિનવણી કરી હતી. ત્યારપછી ગુમસુમ રહેતી આ તરૂણીએ શનિવારે સવારે ગળાફાંસો ખાઈ લીધો છે. પોલીસે નિવેદનની નોંધ કરી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
