Author: નોબત સમાચાર
ગેસની પાઈપલાઈન લીકેજ થતા દુર્ગંધ ફેલાઈઃ લોકોમાં ભયનો માહોલ
ખાડા ખોદતા સમયે જેસીબીએ મોકાણ સર્જીઃ
જામનગર તા. ૨૪: જામનગરના ઉદ્યોગનગર વિસ્તારમાં પાણીની પાઇપ લાઇનનું કામ ચાલી રહૃાું છે. ત્યારે જેસીબી અડકી જતા ગેસની લાઈન લીકેજ થવા પામી હતી. આખરે તાબડતોબ ગેસ કંપની દ્વારા મરામત કામગીરી હાથ ધરવામાં આવી હતી.
શહેરના ઉદ્યોગનગર વિસ્તારમાં પાણીની પાઇપ લાઇનનું કામ કરતા સમયે જેસીબી ગેસની લાઈનમાં ટકરાતા ગેસની લાઈન લીકેજ થવા પામી હતી. અને ભારે દુર્ગંધ ફેલાતા આસપાસના રહીશોમાં ભયનો માહોલ સર્જાયો હતો.
આ બનાવા અંગે ગુજરાત ગેસ કંપનીને ટેલિફોનિક જાણ કરવામાં આવતા તાબડતોબ કંપનીનું મેન્ટેનન્સ વાહન અધિકારીઓ સાથે દોડી આવ્યું હતું. અને ગેસની પાઇપલાઇન મારામત કામગીરી હાથ ધરીને ગેસ લીકેજિંગ બંધ કર્યું હતું. આ પછી લોકોએ રાહતનો શ્વાસ લીધો હતો.
ઉલ્લેખનીય છે કે જામનગરમાં ગુજરાત ગેસ દ્વારા શહેરના અનેક વિસ્તારોમાં જમીનની નીચેથી પાઇપલાઇન પસાર કરવામાં આવી છે. અને અવારનવાર પાણીની પાઇપલાઇન અને ભૂગર્ભ ગટરની પાઇપલાઇન માટે ખાડા ખોદવામાં જેસીબીનો ઉપયોગ કરવામાં આવતા સમયે ગેસ પાઇપલાઇન લીકેજ થવાના બનાવો બનતા રહે છે. આથી જો કામગીરી સમયે તકેદારી રાખવામાં નહી આવે તો ભવિષ્યમાં મોટી દુર્ઘટના સર્જાઈ શકે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
