Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
કુલ ત્રણ ચોરાઉ મોટરસાયકલ કબજે કરાયાઃ
જામનગર તા.૨૪ : જામનગરમાંથી ગયા સપ્તાહે બાઈકની ચોરી કરનાર એક શખ્સને એલસીબીએ દબોચી લઈ પૂછપરછ કરતા તેણે અન્ય બે વાહનની ચોરીના ગુન્હા પણ કબૂલ્યા છે. આ શખ્સ સામે ૪૩ ગુન્હા નોંધાયેલા હોવાનું બહાર આવ્યું છે.
જામનગરના ખોડિયાર કોલોની વિસ્તારમાં ગયા સપ્તાહે હોટલ નજીકથી બાઈક ચોરાયું હતું. તેની ચાલી રહેલી તપાસમાં એલસીબીના કિશોર પરમાર, ભરત ડાંગર, સુમિત શિયારને મળેલી બાતમીના આધારે જામનગર નજીકના નારણપુર ગામનો જીતુ જેરામ શેખા નામનો શખ્સ મળી આવ્યો હતો. આ શખ્સની પૂછપરછ કરાતા તેણે ત્રણ બાઈક કાઢી આપ્યા છે.
આ શખ્સ પાસેથી જીજે-૧૦-બીએચ ૭૧૭૫ નંબરનું હંક મોટરસાયકલ, જીજે-૩ કેઆર ૪૪૩૧ નંબરનંુ બુલેટ તથા જીજે-૧૨-બીએન ૧૪૦૨ નંબરનું બાઈક મળ્યું છે. તેની પૂછપરછ કરાતા આ શખ્સે તે વાહન જામનગર તથા રાજકોટમાંથી ઉઠાવ્યાની કબૂલાત કરી છે.
આ શખ્સે એકાદ મહિના પહેલાં રાજકોટની રૈયા ચોકડી પાસેથી ડુપ્લીકેટ ચાવી લગાડી ૧૪૦૨ નંબરનું બાઈક ઉઠાવવા ઉપરાંત સાતરસ્તા પાસેથી બાઈક ઉઠાવી શંકર ટેકરીમાં રહેતા સુરેશને આપ્યાની પણ કબૂલાત કરી છે.
આ શખ્સ સામે જામનગર શહેર ઉપરાંત પંચકોશી-એ, બી, ધ્રોલ, કાલાવડ તેમજ રાજકોટના પ્રદ્યુમનનગર, ગાંધીગ્રામ-ર, થોરાળા પોલીસ મથકમાં અત્યાર સુધીમાં ૪૩ ગુન્હા નોંધાયેલા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial