Author: નોબત સમાચાર
સંયુક્ત મકાનના કાગળમાં સહી કરી આપવા દબાણ કરી પત્નીએ આપી ધમકી
નગરના તબીબે પત્ની, મિત્ર સામે કરી રાવઃ
જામનગર તા.ર૪ : જામનગરના હાથી કોલોની વિસ્તારમાં અગાઉ રહેતા એક ડોકટરે ત્યાં આવેલા પોતાના મકાનના કાગળોમાં સહી કરી આપવાનું કહી પત્ની તથા મિત્રએ ગાળો ભાંડી જાનથી મારી નાખવાની ધમકી આપ્યાની પોલીસમાં ફરિયાદ નોંધાવી છે.
જામનગરના સુમેર કલબ રોડ પર આવેલા હાથી કોલોની વિસ્તારની શેની નં.૧માં મુકુંદ વીલા એપાર્ટમેન્ટમાં રહેતા અને હાલમાં વડોદરામાં વસવાટ કરતા ડો. વિશાલ માધવદાસ પંચમતીયા નામના આસામીએ પોતાના પત્ની રિદ્ધિબેન તથા નયન હર્ષદભાઈ ત્રિવેદી નામના બે વ્યક્તિ સામે સીટી એ ડિવિઝન પોલીસ સ્ટેશનમાં ફરિયાદ નોંધાવી છે. ફરિયાદમાં જણાવવામાં આવ્યા મુજબ ડો. વિશાલને વર્ષ ૨૦૨૩ના નવેમ્બર મહિના થી ગયા ફેબ્રુઆરી મહિના દરમિયાન પત્ની રિદ્ધિબેન તથા નયન હર્ષદભાઈ ત્રિવેદીએ મકાનના કાગળોમાં સહી કરી આપવાનું કહી દબાણ કર્યું હતું અને જો ડો. વિશાલ તેમાં સહી ન કરી આપે તો જાનથી મારી નાખવાની ધમકી આપી બોલાચારી કરી ઝઘડો કર્યો હતો અને ગાળો ભાંડી હતી.
આ બાબતની ફરિયાદ કરવામાં આવતા પોલીસે રિદ્ધિબેન વિશાલભાઈ પંચમતીયા તથા નયન ત્રિવેદી સામે ગુન્હો નોંધ્યો છે. પતિ તથા પત્નીના સંયુક્ત નામે અગાઉ ખરીદેલા એક મકાનને રિદ્ધિબેનના નામે કરી આપવાના મામલે વિખવાદ થયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
