Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
એક ચોરાઉ બાઈક સાથે એક શખ્સ ઝડપાયોઃ
જામનગર તા.૨૪ : જામનગરના ખોડિયારકોલોની વિસ્તાર તથા દિગ્જામ સર્કલ નજીકની દેવ પાર્ક સોસાયટીમાંથી ગયા મહિને બે મોટરસાયકલ ચોરાઈ ગયા હતા. એક ચોરાઉ બાઈક સાથે એલસીબીએ એક શખ્સને દબોચી લીધો છે.
જામનગરના દિગ્જામ સર્કલ નજીક આવેલા પેટ્રોલપંપ ની સામે દેવ પાર્ક સોસાયટીમાં રહેતા સંજયભાઈ ચુનીભાઈ લોઢીયા નામના આસામીએ ગઈ તા.૨૦ની રાત્રે પોતાના ઘરની બહાર જીજે-૧૧-બીએલ ૬૮૭૫ નંબરનું મોટરસાયકલ મૂક્યું હતું. ત્યાંથી રૂ.૧૫ હજારનું વાહન ચોરાઈ ગયું છે.
જામનગરના ધરારનગર-૧ વિસ્તાર પાસે આવેલા જવાહર નગરમાં રહેતા ધર્મેશ ઉર્ફે ધર્મેન્દ્ર અરજણભાઈ વિરમગામા નામના આસામીએ ગઈ તા.૨૧ની બપોરે જીજે-૧૦-બીએફ ૭૧૭૫ નંબરનું હીરો મોટરસાયકલ ખોડીયાર કોલોની પાસે એક હોટલ નજીક મુક્યું હતું. ત્યાંથી સાંજના ૬:૩૦ વાગ્યા સુધીમાં રૂ.૨૦ હજારનું મોટરસાયકલ ચોરાઈ ગયું છે. સીટી સી ડિવિઝન પોલીસમાં બંને આસામીએ ફરિયાદ નોંધાવી હતી.
તે દરમિયાન જામનગર એલસીબીના મયુદ્દીન સૈયદ, અરજણભાઈ, ધર્મેન્દ્રસિંહને બાતમી મળી હતી કે, એક શખ્સ દિગ્જામ સર્કલ પાસે ઓવરબ્રિજ નીચે ચોરાઉ બાઈક સાથે આવ્યો છે. તે બાતમીથી પીઆઈ વી.એમ. લગારીયાને વાકેફ કરાયા પછી દોડી ગયેલા એલસીબી સ્ટાફે ત્યાંથી સોનલનગર હનુમાન ટેકરીમાં રહેતા રાહુલ હરદાન સોનરાજ ઉર્ફે રાજુ બારોટ નામના શખ્સને પકડી પાડી પૂછપરછ કરતા આ શખ્સે જીજે-૧૧-બીએલ ૬૮૭૫ નંબરનું મોટરસાયકલ ચોર્યાની કબૂલાત કરી છે. બાઈક કબજે કરી રાહુલની અટકાયત કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial