Author: નોબત સમાચાર
જામનગરમાં માલધારીઓએ વિશાળ બાઈક રેલી યોજીઃ શહેર ભાજપ પ્રમુખને કરી રજૂઆત
કેટલ પોલિસીના કડક અમલ પછી ઢોર માલિકોએ માંગેલી પાંચ દિવસની મુદ્દત પુરી થઈ રહી છે, ત્યારે
જામનગરમાં કેટલ પોલીસીનું કડક રીતે પાલન કરવા મહાનગર પાલિકાનું તંત્ર કવાયત કરી રહ્યું છે. ત્યારે આજે માલધારી સમાજે વિશાળ વાહન રેલી યોજીને શહેર ભાજપ પ્રમુખ સમક્ષ રજૂઆત કરવામાં આવી હતી. જામનગરમાં રસ્તે રઝળતા ઢોરના કારણે અવાર-નવાર અકસ્માતો થતા રહે છે. જે કયારેક જીવલેણ પણ સાબીત થાય છે. આથી અદાલત અને સરકારના આદેશ મુજબ જામનગર મહાનગર પાલિકા દ્વારા કેટલ પોલીસનો ચુસ્તપણે અમલ કરવા કાર્યવાહી હાથ ધરવામાં આવી રહી છે. મ્યુનિ. કમિશ્નર ડી.એન. મોદીની સીધી દેખરેખ હેઠળ શહેરમાં રસ્તે રઝળતા અને ઢોર માલીકોના ઘરે બાંધેલા ઢોરને પકડી પાડવા ઝુંબેશ શરૂ કરવામાં આવી હતી. આ સમયે જલારામ નગર વિસ્તારમાં ઢોર માલીકોએ પાંચ દિવસની મુદ્દત માંગી હતી. જેમાં તેઓ સ્વેચ્છાએ ઢોરને શહેરની બહાર લઈ જવામાં આવશે તેમ તંત્રને જણાવ્યુ હતું. જેની મુદત આજે પૂર્ણ થઈ રહી છે. બીજી તરફ અનેક માલધારીઓએ પોતાના પશુ ગાય સહિતના ઢોરને શહેરની બહાર વિસ્તારમાં લઈ જવામાં આવી છે. જયારે આજે ખોડીયાર કોલોની વિસ્તારમાંથી માલધારીઓની એક વિશાળ રેલી નિકળી હતી. અને શહેર ભાજપ કાર્યાલય પહોંચી ત્યાં ભાજપના પ્રમુખ બિનાબેન કોઠારી સમક્ષ રજૂઆત કરી હતી. જયાં માલધારીઓની રજૂઆતો સાંભળીને યોગ્ય નિર્ણય લેવામાં આવશે. તેમ જણાવાયું હતું. ખાસ કરીને ઢોરને શહેરી વિસ્તારી દૂર લઈ જવા અને ઘાંસચારો શહેરમાં પ્રવેશનો અટકાવવામાં આવે છે. તેમાં છુટછાટ આપવાની માંગણી કરવામાં આવી છે. મળતી માહિતી મુજબ જામનગરમાં કેટલ પોલીસી માટે જનરલ બોર્ડમાં જ ઠરાવ કરવામાં આવ્યો છે. હવે આ ઠરાવની અમલવારી કડકાઈથી અવિરત ચાલુ રાખવામાં આવશે કે શહેર ભાજપ પ્રમુખ સમક્ષ થયેલ રજૂઆત પછી પોલીસીમાં ઢીલ આપવામાં આવશે. તે તો આવનાર સમય જ કહેશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
