Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
કાટકોલાના મહિલા સરપંચ તથા ટીમને અભિનંદન આપતા મુળુભાઈ
ભાણવડ તા. ર૪: ભાણવડના કાટકોલા, આબંરડી અને સણખલામાં આયુષ્યમાન આરોગ્ય મંદિરનું લોકાર્પણ કરતા કેબિનેટ મંત્રી મુળુભાઈ બેરાએ કાટકોલા મહિલા સરપંચ શિલ્પાબેન કરમુર અને તેઓની ટીમને અભિનંદન આપ્યા હતાં.
ભાણવડ તાલુકાના કાટકોલા ગામે રૂ. ર૬,પ૦ લાખ આંબરડી ગામે રૂ. ર૪.પ૦ લાખ અને સણખલા ગામે રૂ. ર૭.પ૦ લાખના ખર્ચે તૈયાર થનાર આયુષ્યમાન આરોગ્ય મંદિરનું લોકાર્પણ કેબિનેટ મંત્રી મુળુભાઈ બેરાના હસ્તે કરવામાં આવ્યું હતું.
કાટકોલા ગામે મહિલા સંચાલિત પંચાયતની ટીમને તેઓની વિકાસ લક્ષી કામગીરીથી સમગ્ર ટીમને કેબિનેટ મંત્રી મુળુભાઈ બેરાએ અભિનંદન પાઠવતાં જણાવ્યું હતું કે, આગામી સમયમાં કાટકોલા ગામે જે વિકાસ લક્ષી કામગીરી કરેલ છે તે ધન્યવાદને પાત્ર છે. આયુષ્યમાન આરોગ્ય મંદિરમાં થોડી જગ્યાનો અભાવ હતો. જે જી.પ. સદસ્ય કે.ડી. કરમુર દ્વારા રૂ. ૬ લાખના ખર્ચે બાજુમા જમીન લઈ અને આરોગ્ય મંદિરમાં દાન આપી હતી, જે ઉમદા હેતુને મુળુભાઈ બેરોએ આવકાર્યું હતું.
કાટકોલા ગામે મંત્રી મુળુભાઈ બેરાનું ઢોલ શરણાઈ, પુષ્પગુચ્છ, શાલ ઓઢાડી આવકારી સન્માન કર્યું હતું. કાર્યકર્મમાં સરપંચ શિલ્પાબેન કરમુર દ્વારા સર્વે મહેમાનોનું શાબ્દિક સ્વાગત કર્યા પછી જીલ્લા આરોગ્ય અધિકારી દ્વારા વિસ્તૃત આરોગ્ય લક્ષી જાણકારી પણ અપાઈ હતી. મંત્રી શ્રી મુળુભાઈ બેરાએ પ્રાસંગિક ઉદ્દબોધન કર્યું હતું.
આ પ્રસંગે જી.પં. સદસ્ય કે.ડી. કરમુર, રામશીભાઈ મારૂ, હમીરભાઈ કનારા, સાજણભાઈ રાવલીયા, અલ્પેશ પાથર, ગોવિંદભાઈ કનારા, મામલતદાર ચાવડા તા.વિ.અ. નવિનભાઈ બૈડીયાવદરા, તાલુકા હેલ્થ ઓફિસર પ્રકાશ ચાડેગ્રા, તા. પં. સદસ્ય મેરામણભાઈ કરમુર, અગ્રણી રામભાઈ કરમુર, હરદાસભાઈ કરમુર, કાસમભાઈ હિંગોરા, રમેશભાઈ ડાંગર સહિત મોટી સંખ્યામાં ગ્રામજનો ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial