Author: નોબત સમાચાર
શાંતિનગરમાં મકાનમાંથી ઈંગ્લીશ દારૃની મળી આવી ૪૬ બોટલઃ આરોપી નાસી ગયો
પાંચ સ્થળેથી દેશી દારૃની ભઠ્ઠી પકડી પડાઈઃ
જામનગર તા. ૧૫ઃ જામનગરના શાંતિનગરમાં આવેલા એક મકાનમાંથી કાલે એલસીબીએ અંગ્રેજી શરાબની ૪૬ બોટલ કબજે કરી છે. દરોડા પહેલાં આરોપી નાસી જવામાં સફળ થયો હતો. લાલપુરમાંથી વેચવા માટે અડધી બોટલ લઈને જતો એક શખ્સ ઝડપાઈ ગયો છે. જ્યારે દેશી દારૃની પાંચ ભઠ્ઠી પણ પોલીસે પકડી છે.
જામનગરના પટેલકોલોની વિસ્તારના છેવાડે આવેલા શાંતિનગરની શેરી નં.૪માં છેવાડે એક મકાનમાં અંગ્રેજી શરાબનો જથ્થો પડ્યો હોવાની બાતમી પરથી ગઈકાલે સાંજે એલસીબીએ વિજયસિંહ હરિસિંહ જેઠવા નામના શખ્સના મકાનમાં દરોડો પાડ્યો હતો. ત્યાં તલાશી લેવાતા અંગ્રેજી શરાબની ૪૬ બોટલ મળી આવી હતી. અંદાજે રૃા.૧૮૪૦૦ની કિંમતનો શરાબનો જથ્થો કબજે કરી એલસીબીએ નાસી ગયેલા વિજયસિંહની શોધખોળ હાથ ધરી છે.
લાલપુર શહેરના ધરાર નગર વિસ્તારમાંથી ગઈકાલે રાત્રે જઈ રહેલા રીયાઝ હુસેન ધુધા નામના શખ્સને પોલીસે પકડી લીધો હતો. તેના કબજામાંથી દારૃની અડધી બોટલ મળી આવી હતી. તે બોટલ લાલપુરના દલતુંગી ગામના માલાભાઈ હીરાભાઈ પંડતે વેચવા માટે આપી હોવાનું રીયાઝે કબૂલ્યું છે.
જામનગરના દિગ્જામ વુલન મીલ નજીક બાવરી વાસમાં જમનાબેન અશોક કોળીના ઝંૂપડામાં ગઈકાલે સિટી-સી ડિવિઝનના સ્ટાફે દરોડો પાડતા ત્યાંથી દેશી દારૃની ભઠ્ઠી મળી આવી હતી. સ્થળ પરથી દારૃ, આથો, ભઠ્ઠીના સાધનો કબજે કરાયા છે. ત્યાં જ આવેલા ગંગાબેન કમલ કોળીના ઝંૂપડામાંથી પણ ભઠ્ઠી મળી આવી હતી. બાવરીવાસમાં જ શોભાબેન મનોજ બાવરીના ઝૂંપડામાંથી ભઠ્ઠી પકડાઈ છે.
જામનગર નજીકના હાપાના ખારી વિસ્તારમાં હંસાબેન કરશન ચારેલાના ઝૂંપડામાંથી દેશી દારૃની ભઠ્ઠી મળી આવી હતી. ત્યાંથી દારૃ, આથો, ભઠ્ઠીના સાધનો મળ્યા છે. લાલપુર તાલુકાના મોટા ભરૃડીયા ગામમાં બાબભા લાલુભા જાડેજા નામના શખ્સના ખેતરમાંથી લાલપુર પોલીસે દેશી દારૃની ભઠ્ઠી પકડી લીધી છે. દરોડા પહેલાં બાબભા નાસી ગયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
