Author: નોબત સમાચાર
જામનગર તથા કલ્યાણપુરના ગ્રામ્ય પંથકમાંથી મળી ૫૬ લાખની વીજચોરી
ગઈકાલે સતત ત્રીજા દિવસે કરાયું વીજ ચેકીંગઃ
જામનગર તા. ૧૫ઃ જામનગરની પીજીવીસીએલ વર્તુળ કચેરીના સ્ટાફ દ્વારા ગઈકાલે જામનગર શહેરના અમૂક વિસ્તાર ઉપરાંત હાપા અને વિભાપરમાં તેમજ કલ્યાણપુરના ગ્રામ્ય પંથકમાં વીજચોરી પકડવા કરેલી ચેકીંગ કાર્યવાહીમાં રૃા.૫૬ લાખ ૩૦ હજારની વીજચોરી ઝડપાઈ જવા પામી હતી.
જામનગરની સ્થાનિક પીજીવીસીએલ કચેરી દ્વારા શરૃ કરવામાં આવેલા વીજ ચેકીંગના ગઈકાલે સતત ત્રીજા દિવસે રૃા.૫૬ લાખ ૩૦ હજારની વીજચોરી ઝડપાઈ જવા પામી છે. સ્થાનિક અધિકારીઓના વડપણ હેઠળની ૬૧ ટૂકડીઓ ગઈકાલે ચેકીંગમાં જોડાઈ હતી.
જામનગર શહેરના ગાંધીનગર, મોમાઈનગર, દરબારગઢ, ગુલાબનગર, નિલકમલ સોસાયટી, ક્રિષ્ના પાર્ક વગેરે વિસ્તારોમાં તેમજ વિભાપર અને હાપામાં વીજ ચેકીંગ કરાયું હતું. તે ઉપરાંત દેવભૂમિ દ્વારકા જિલ્લાના કલ્યાણપુર તાલુકાના ગઢકા, પટેલકા, ભાટિયા ગામમાં પણ વીજચોરી પકડવા સઘન ચેકીંગ કરાયું હતું.
વીજ ચેકીંગ ટૂકડીઓએ સ્થાનિક પોલીસના ૪૫ જવાન, ૧૦ એસઆરપીમેન અને ૩ વીડિયોગ્રાફરને સાથે રાખી ૫૮૩ વીજજોડાણ ચકાસ્યા હતા. જેમાંથી ૧૧૭ જોડાણમાં ગેરરીતિ મળી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
