Author: નોબત સમાચાર
મેલાણમાંથી દારૂની છ બોટલ મળીઃ બેડ ટોલનાકા પર મોટરમાંથી દારૂ સાથે બે ઝબ્બે
ઠેબા બાયપાસ પાસે મોટરમાંથી ૮૦૦ લીટર દેશી ઝબ્બેઃ
જામનગર તા. ૧૯: જામજોધપુરના મેલાણ ગામમાં એક મકાનમાંથી પોલીસે દારૂની નાની મોટી છ બોટલ પકડી પાડી છે. ધ્રોલમાંથી બોટલ સાથે એક પકડાયો છે. બેડ ટોલનાકા પર એક મોટરમાંથી ઠંડાપીણાની બોટલમાં દારૂ ભરીને જતાં પોરબંદરના બે શખ્સ મળી આવ્યા છે અને ઠેબા બાયપાસ પાસે મોટરમાંથી ૮૦૦ લીટર દેશી દારૂ ઝડપાઈ ગયો છે.
જામજોધ૫ુર તાલુકાના મેલાણ ગામમાં આવેલા દેવાભાઈ લખમણભાઈ હુણ નામના શખ્સના મકાનમાં દારૂ પડ્યો હોવાની બાતમી પરથી ગઈકાલે રાત્રે શેઠવડાળા પોલીસ સ્ટેશનના સ્ટાફે તેના મકાનમાં દરોડો પાડી તલાશી લેતાં ત્યાંથી અંગ્રેજી શરાબની બે મોટી બોટલ તથા ચાર નાની બોટલ મળી આવી હતી. પોલીસે દેવાભાઈની ધરપકડ કરી બોટલ ઝબ્બે લીધી છે.
ધ્રોલના ફૂલવાડી રોડ પરથી ગઈરાત્રે જઈ રહેલા ફિરોઝ મહંમદસફી જુનાણી નામના શખ્સને પોલીસે દારૂની બોટલ સાથે પકડી લીધો છે.
જામનગર-ખંભાળિયા માર્ગ પર બેડ નજીકના ટોલનાકા પરથી ગઈકાલે સાંજે જઈ રહેલી જીજે-રપ-જે ૨૬૫૪ નંબરની સેલેરીયો મોટરને પોલીસે રોકાવી ચેક કરતા તેમાંથી પોરબંદરના જયેશ રામદેભાઈ મોેઢવાડીયા અને હિતેશ સવદાસ રાતીયા નામના બે શખ્સ મળી આવ્યા હતા. મોટરમાંથી ઠંડાપીણાની એક બોટલમાંથી ઈંગ્લીશ દારૂ મળી આવ્યો હતો. પોલીસે દારૂ તથા મોટર, એક મોબાઈલ મળી કુલ રૂ.૨,૬૦,૨૫૦નો મુદ્દામાલ કબજે કર્યાે છે. દારૂ પોરબંદરના ખીસ્ત્રી ગામના વિજય લખમણ ખીસ્તરીયાએ આપ્યાની આ શખ્સોએ કબૂલાત કરી છે.
જામનગરના ઠેબા બાયપાસ પરથી ગઈકાલે સવારે જીજે-૧-કેક્યુ ૪૫૭૫ નંબરની સ્કોડા મોટર જતી હતી તેને ચેકપોસ્ટ પર પોલીસે રોકાવી ચેક કરતા તે મોટરમાંથી ૮૦૦ લીટર દેશી દારૂ મળી આવ્યો હતો. દારૂ, બોટલ મળી રૂ.૫૧૬૦૦૦નો મુદ્દામાલ કબજે કરવામાં આવ્યો છે અને પોરબંદરના રાણાવાવના કાંટવાણા ગામના બાલુભાઈ નાથાભાઈ કોડિયાતર અને કાયદાથી સંઘર્ષિત એક કિશોરની અટકાયત કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
