Author: નોબત સમાચાર
મોટર સળગાવી હોવાની આશંકાથી યુવાન પર ચાર શખ્સનો પાઈપથી પ્રહાર
જમીનના કાગળમાં સહીના પ્રશ્ને મહિલાને મારઃ
જામનગર તા. ૧૯: જામનગરના ખોડિયારકોલોની વિસ્તારમાં ગઈકાલે બપોરે એક યુવાન પર અગાઉ એક મોટર સળગાવી હોવાની શંકાથી ચાર શખ્સે પાઈપથી હુમલો કરી ફ્રેક્ચર કરી નાખ્યું હતું. જ્યારે જમીન વેચાતી આપવાના કાગળમાં સહી કેમ નથી કરતા તેમ કહી એક મહિલાને ત્રણ શખ્સ અને બે મહિલાએ માર માર્યાે હતો.
જામનગરના ખોડિયાર કોલોની વિસ્તાર સામે આવેલી ન્યુ આરામ કોલોનીમાં રહેતા સુરેન્દ્રસિંહ નવલસિંહ જેઠવા ઉર્ફે શક્તિ નામના યુવાનને ગઈકાલે બપોરે ખોડિયાર કોલોની વિસ્તારમાં હદુ ઝાલા, જયદીપ ઝાલા, વિક્કી કાપડી અને એક અજાણ્યા શખ્સે રોકી લીધો હતો. અગાઉ નીરૂ ઝાલા નામના આસામીની મોટર કોઈએ સળગાવી હતી. તે મોટર સુરેન્દ્રસિંહે સળગાવી હોવાની આશંકાથી આ શખ્સોએ હુમલો કર્યાે હતો. લોખંડના ચકરીવાળા પાઈપથી આ યુવાનને માર મરાતા તેને એક હાથ તથા પગમાં ફ્રેક્ચર થઈ ગયું છે. ઈજાગ્રસ્તને સારવારમાં ખસેડવામાં આવ્યો છે. જ્યાંથી તેણે પોલીસમાં ફરિયાદ નોંધાવી છે.
જામનગરના સિદ્ધાર્થનગર શેરી નં.૪માં રહેતા રામીબેન ધનજીભાઈ પરમારે ગઈકાલે રાત્રે તેમના ઘર પાસે આવી રાહુલ સુરેશભાઈ વરણ, ઝીણો સુરેશભાઈ વરણ, રમેશ વરણ, રાજીબેન રમેશ તથા બેનાબેન રમેશ વરણે બોલાચાલી કર્યા પછી તમે જમીન વેચાતી આપવાના કાગળ પર સહી કેમ નથી કરતા તેમ કહી રાહુલે છરી મારી દીધી હતી અને ઝીણા તથા રમેશે લાકડીથી હુમલો કર્યાે હતો. રાજીબેન અને બેનાબેને ઢીકાપાટુથી માર માર્યાે હતો. રામીબેને સિટી-સી ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
