Author: નોબત સમાચાર
બેડમાં સ્ટોલ પાછળથી નીકળવાની ના પાડતા નગરના યુવાન પર કરાયો હુમલો
બેડના બે શખ્સ સામે મહિલાએ કરી ફરિયાદઃ
જામનગર તા. ૧૯: જામનગર નજીકના બેડમાં બુધવારે રામમંદિર પાસે ભરાયેલા મેળામાં કટલેરીનો વેપાર કરવા ગયેલા નગરના દંપતીમાંથી પતિ પર બે શખ્સે લાકડી, ઢીકાપાટુથી હુમલો કર્યાે હતો. પત્નીએ પોલીસમાં ફરિયાદ નોંધાવી છે.
જામનગરના દરબારગઢ વિસ્તારમાં આવેલા નાના આશા૫ુરા મંદિર પાસે રહેતા અને કટલેરીનો વ્યાપાર કરતા નીતિન હસમુખભાઈ ભટ્ટી તથા તેમના પત્ની ચાંદનીબેન બુધવારે જામનગર-ખંભાળિયા માર્ગ પર આવેલા બેડ ગામમાં રામમંદિર પાસે ભરાયેલા રામ નવમીના મેળામાં વેપાર કરવા માટે ગયા હતા.
આ દંપતીએ ત્યાં પોતાનો સ્ટોલ લગાવ્યો હતો. બુધવારે સાંજે તે સ્ટોલની પાછળથી જગ્યા ન હોવા છતાં બેડ ગામનો ક્રિપાલસિંહ પસાર થયો હતો. તેને ત્યાંથી ન નીકળવાનું કહેવા જતાં નીતિન સાથે ક્રિપાલસિંહને બોલાચાલી થયા પછી અરૂણ નામનો બીજો શખ્સ લાકડી સાથે આવી ગયો હતો. તેઓએ નીતિનને ગાળો ભાંડ્યા પછી જાનથી મારી નાખવાની ધમકી આપી હતી અને નીતિનને ઢીકાપાટુથી અરૂણે માર માર્યાે હતો અને ક્રિપાલસિંહે લાકડી ફટકારી હતી અને મરચાની ભૂક્કી છાંટી હતી. આ શખ્સોએ સ્ટોલમાં પણ રૂપિયા ચાલીસેક હજારનું નુકસાન કર્યું હતું. ચાંદનીબેને સિક્કા પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
