Author: નોબત સમાચાર
જામનગરમાં ગુજકેટની પરીક્ષા દરમિયાન એક પરીક્ષાર્થી મોબાઈલ સાથે ઝડપાતા નોંધાયો કેસ
શાંતિપૂર્ણ ત્રણ સેશનમાં પરીક્ષા સંપન્ન થઈઃ
રાજ્યમાં ગઈકાલે શિક્ષણ બોર્ડ દ્વારા ગુજકેટની પરીક્ષા લેવામાં આવી હતી. જેના ત્રણ સેશનમાં જામનગરમાં લેવાયેલા પેપર શાંતિપૂર્ણ સંપન્ન થયા હતાં. એક વિદ્યાર્થી મોબાઈલ ફોન સાથે મળી આવતા તેની સામે ગેરરીતિનો કેસ નોંધવામાં આવ્યો હતો. ગુજરાત માધ્યમિક શિક્ષણ બોર્ડ દ્વારા ધોરણ ૧ર વિજ્ઞાન પ્રવાહમાં ગઈકાલે ગુજકેટની પરીક્ષા લેવામાં આવી હતી. જામનગરમાં ૧૩ સ્થળોએ આ પરીક્ષાનું આયોજન થયું હતું. સવારે ૧૦ થી ૧ર મા ફિઝિકલ અને કેમેસ્ટ્રીનું પેપર લેવામાં આવ્યું હતું જેમાં કુલ ર૬૭પ વિદ્યાર્થીમાંથી ર૬૦૯ વિદ્યાર્થી હાજર અને ૬૬ વિદ્યાર્થીઓ ગેરહાજર રહ્યા હતાં. આ પછી બપોરે ૧ થી ર કલાક દરમિયાન બાયોલોજીનું પેપર લેવાયું હતું તેમાં ૧૬પર માંથી ૧૬૧પ વિદ્યાર્થી હાજર જ્યારે ૩૭ વિદ્યાર્થીઓ ગેરહાજર રહ્યા હતાં તેમજ બપોરે ચારથી પાંચ દરમિયાન મેથ્સનું પેપર લેવાયું હતું જેમાં કુલ ૧૦૪૦ માંથી ૧૦૦પ વિદ્યાર્થીઓ હાજર અને ૩પ વિદ્યાર્થીઓ ગેરહાજર રહ્યા હતાં. ફિજિક્સ-કેમેસ્ટ્રીના પેપરમાં એલ.જી. હરિયા સેન્ટરમાંથી ભોકલ સમીર અકબરભાઈ નામનો વિદ્યાર્થી મોબાઈલ સાથે મળી આવતા તેની સામે ગેરરીતિનો કેસ નોંધાયો હતો. આ સિવાય ત્રણેય પેપર ચૂસ્ત સુરક્ષા વ્યવસ્થા વચચે શાંતિપૂર્ણ રીતે લેવાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (17)_copy_800x567~2.jpeg)
