Author: નોબત સમાચાર
જામનગરના નવાગામ (ઘેડ) માં ભાજપ કાર્યાલયના ઉદ્ઘાટન ટાણે 'રૂપાલા...હાય...હાય...'ના ગૂંજ્યા નારા
ક્ષત્રિય સમાજના વિરોધના કારણે કાર્યક્રમ પડતો મૂકવાની ફરજ પડીઃ
જામનગરના નવાગામ (ઘેડ) માં ભાજપ કાર્યાલયના ઉદ્ઘાટન કાર્યક્રમમાં રાજપૂત સમાજના ભાઈ-બહેનોએ રૂપાલા હાય હાયના નારા લગાવ્યા હતાં અને ખુરશીઓ ઉછાળી હતી. શહેર ભાજપ પ્રમુખ સહિતના નેતાઓની ઉપસ્થિતિમાં હોબાળો મચાવતા આખરે કાર્યક્રમ આટોપી લેવાની આયજકોને ફરજ પડી હતી, તો પોલીસે કેટલાક લોકોની અટકાયત કરી હતી અને મામલો શાંત પાડ્યો હતો. લોકસભાની સામાન્ય ચૂંટણી માટે ભાજપ દ્વારા વિવિધ કાર્યક્રમો ચાલી રહ્યા છે. દરેક વોર્ડમાં કાર્યાલયો ખોલવામાં આવી રહ્યા છે. ગઈ રાત્રે વોર્ડ નંબર ૪ નવાગામ (ઘેડ) માં ભાજપ કાર્યાલય ખુલ્લુ મૂકવાનો કાર્યક્રમ યોજાયો હતો. જેમાં શહેર ભાજપ પ્રમુખ ડો. વિમલ કગથરા, ૭૮-વિધાનસભાના ધર્મરાજસિંહ જાડેજા, સ્થાનિક કોર્પોરેટરો વગેરે અનેક આગેવાનો-કાર્યકરો ઉપસ્થિત રહ્યા હતાં. કાર્યક્રમ શરૂ થાય ત્યાં જ ક્ષત્રિય સમાજના ભાઈઓ-બહેનો બહોળી સંખ્યામાં ત્યાં આવી ચઢ્યા હતાં અને જય ભવાની, રૂપાલા હાય હાયના નારા લગાવી ભારે હોબાળો મચાવ્યો હતો. આખરે કાર્યક્રમને પડતો મૂકવાની આયોજકોને ફરજ પડી હતી. આ કાર્યક્રમમાં ખુરશીઓ પણ ઉછાળવામાં આવી હતી. આ પછી પોલીસે કેટલાકની અટકાયત કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
