Author: નોબત સમાચાર
ગરમી લાગતા છત પર સૂવા ગયેલા આસામીના મોબાઈલની થઈ ઉઠાંતરી
ખોડિયાર કોલોની પાસેથી એક્ટિવા ઉપડી ગયું:
જામનગર તા. ૨૩: જામનગરના વિભાપરમાં રહેતા એક આસામી ગરમીના કારણે છત પર સૂવા ગયા ત્યારે તેમને સૂતા રાખી કોઈ શખ્સ મોબાઈલ ઉઠાવી ગયો છે. અન્ય એક આસામીનો કાલાવડ નાકા પાસેથી મોબાઈલ સેરવાઈ ગયો છે. ખોડિયાર કોલોની નજીક પેટ્રોલપંપ પાસેથી એક સ્કૂટરની ઉઠાંતરી થઈ છે.
જામનગરના ગુલાબનગર નજીક આવેલા વિભા૫રમાં આંબેડકરવાસમાં રહેતા મુળજીભાઈ કારાભાઈ મકવાણા નામના યુવાન ગઈ તા.૧૭ની રાત્રે પોતાના ઘરમાં ગરમી થતાં અગાસી પર સુવા માટે ગયા હતા. તે વેળાએ રૂ. ૧૦ હજારની કિંમતનો ઓપો કંપનીનો મોબાઈલ તેઓએ બાજુમાં મૂૂક્યો હતો. તે મોબાઈલ સવાર સુધીમાં ચોરાઈ ગયો હતો. સિટી-એ ડિવિઝન પોલીસ સ્ટેશનમાં મુળજીભાઈએ ફરિયાદ કરી છે.
જામનગરના ઘાંચીવાડમાં રહેતા ફૈઝાન ફારૂકભાઈ પરમાર ગયા શનિવારે રાત્રે દસેક વાગ્યે કાલાવડ નાકા નજીક શૌચાલય પાસે હતા ત્યારે તેમનો રૂ. ૧૫ હજારની કિંમતનો ઓપો કંપનીનો મોબાઈલ કોઈ શખ્સ સેરવી ગયો હતો. પોલીસે બંને ફરિયાદ પરથી ઉઠાવગીરો સામે ગુન્હો નોંધ્યો છે.
જામનગરના નાગનાથ નાકા નજીક સ્વામીનારાયણ નગરની શેરી નં.પમાં રહેતા મહેશભાઈ મોહનભાઈ જેઠવા નામના આસામીએ ગઈ તા.૧૧ની સવારે જીજે-૧૦-સીસી ૮૩૩૦ નંબરનું સફેદ રંગનું એક્ટિવા ખોડિયાર કોલોની નજીક સંતોષી માતાના મંદિર પાસે પેટ્રોલપંપની બાજુમાં મૂક્યું હતું. તે વાહન સાંજ સુધીમાં ત્યાંથી ચોરાઈ ગયું છે. સિટી સી ડિવિઝનમાં તેની ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
