Author: નોબત સમાચાર
વિદ્યાર્થીની મોટરમાં ભૂલાઈ ગઈ બેગ
કમાન્ડ એન્ડ કંટ્રોલ સેન્ટરે પૂરી પાડી મદદઃ
જામનગર તા. ૨૨: જામનગરના એક વિદ્યાર્થી રાજકોટથી આવતી વેળાએ પોતાની બેગ એક ખાનગી મોટરમાં ભૂલી ગયા પછી પોલીસના કમાન્ડ એન્ડ કંટ્રોલ સેન્ટરના સ્ટાફે સીસીટીવીની મદદથી તે મોટર શોધી કાઢી બેગ પરત અપાવી છે.
જામનગરના માધવ બાગ-૫માં રહેતા અને રાજકોટમાં હોસ્ટેલમાં રહી અભ્યાસ કરતા મયંક રાજેશભાઈ કંડોરીયા ગયા રવિવારે રાજકોટથી જામનગર આવવા માટે એક ખાનગી મોટરમાં નીકળ્યા હતા.
આ વિદ્યાર્થી તે મોટરમાં પોતાના અગત્યના કાગળ સહિતના સામાન સાથેની બેગ ભૂલી ગયા હતા. તેની પોલીસને જાણ કરાતા કમાન્ડ એન્ડ કંટ્રોલ સેન્ટરના પીએસઆઈ પી.પી. જાડેજા તથા સ્ટાફના પરેશ ખાણધર, રાધેશ્યામ અગ્રાવત, લીલાબેન, પારૂલબા, વર્ષાબા, જેસાભાઈ, સંજય જોડ, પ્રિતેશ વગેરેએ તપાસ શરૂ કરી હતી. જુદા જુદા સીસીટીવી ફૂટેજ ચકાસ્યા પછી તે મોટરને શોધી કાઢવામાં આવી હતી અને મયંકભાઈને તેમની બેગ પરત અપાવાઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
