ઈલેક્શન મેટાવર્સનું મુખ્ય નિર્વાચન અધિકારી શ્રીમતી પી. ભારતીએ કર્યું લોન્ચીંગ

Author: નોબત સમાચાર

ઈલેક્શન મેટાવર્સનું મુખ્ય નિર્વાચન અધિકારી શ્રીમતી પી. ભારતીએ કર્યું લોન્ચીંગ

રાજ્યના ૧૩ લાખથી વધુ ફર્સ્ટ ટાઈમ વોટર્સ માટે

ખંભાળીયા તા. ૪: આગામી તા.૦૭ મે ના લોકસભાની સામાન્ય ચૂંટણી અને વિધાનસભાની પેટા ચૂંટણીઓ માટે મતદાન યોજાનાર છે, જેમાં ૧૩ લાખથી વધુ ફર્સ્ટ ટાઈમ વોટર મતદાન કરશે. પ્રથમ વખત મતદાન કરનારા મતદારો સહિતના મતદારો માટે રાજ્યના અગ્રણી મીડિયા ગ્રુપ જીટીપીએલ અને વર્ચ્યુઅલ હાઈટ્સ દ્વારા ઈલેક્શન મેટાવર્સ વિકસાવવામાં આવ્યું છે. રાજ્યના મુખ્ય નિર્વાચન અધિકારી શ્રીમતી પી. ભારતીના હસ્તે આ ઈલેક્શન મેટાવર્સનું સીઈઓ કચેરીમાં લોન્ચીંગ કરવામાં આવ્યું હતું.

આ લોકસભાની ચૂંટણીમાં આશરે ૧૩ લાખથી વધુ ફર્સ્ટ ટાઈમ વોટર પોતાના મતાધિકારનો ઉપયોગ કરનાર છે. પહેલી વખત મતદાન કરનારા મતદારો સહિતના તમામ મતદારો મતદાન પ્રક્રિયા વિશે અનેક મૂંઝવણો અનુભવતા હોય છે. આથી તેઓ મતદાન પ્રક્રિયાનો વર્ચ્યુઅલ રીયાલીટી દ્વારા જાત અનુભવ કરી શકે તે માટે મુખ્ય નિર્વાચન અધિકારીની કચેરીની સહભાગીતામાં જીટીપીએલ અને વર્ચ્યુઅલ હાઈટ્સ દ્વારા ઈલેક્શન મેટાવર્સને વિકસાવવામાં આવ્યું છે.

વર્ચ્યુઅલ રિયાલીટી આધારિત ટેકનોલોજીની મદદથી કમ્પ્યુટર અને એન્ડ્રોઈડ મોબાઈલ મારફત મતદાર પોતે વર્ચ્યુઅલી મતદાન મથકમાં પ્રવેશથી લઈ મતદાન કરવા સુધીની સમગ્ર પ્રક્રિયાનો જાતે અનુભવ કરી શકશે. રંંૅજઃ

જો આપને આ પોસ્ટ ગમી હોય તો શેર કરો...