Author: નોબત સમાચાર
ધુંવાવ ગામમાં મહિલાઓ વિરૂદ્ધ થતા હિંસા નાબૂદી અભિયાન અંગેનો કાર્યક્રમ યોજાયો
જામનગર મહિલા અને બાળ વિકાસ વિભાગ દ્વારા
જામનગર તા. ૨૯: જામનગર જિલ્લા મહિલા અને બાળ વિભાગ દ્વારા ધુંવાવ ગામે સ્વ રોજગાર કચેરીના સંકલનથી મહિલાઓ વિરૂદ્ધ થતાં હિંસા નાબૂદી અભિયાન અન્વયે કાર્યક્રમ યોજવામાં આવ્યો હતો. જેમાં સંકલ્પ હબ ફોર એમ્પાવરમેન્ટ ઓફ વિમેનના જેન્ડર સ્પેશ્યાલિસ્ટ પૂજા પરમાર દ્વારા ચાઈલ્ડ હેલ્પલાઈન ૧૦૯૮, ૧૮૧ અભયમ મહિલા હેલ્પલાઈન તેમજ અન્ય ઈમરજન્સી હેલ્પલાઈન નંબર અંગે માહિતી આપવામાં આવી હતી. મુશ્કેલીના સમયમાં આ હેલ્પલાઈનનો ઉપયોગ કેવી રીતે કરવો તેમજ કાઉન્સેલિંગની પ્રક્રિયા દ્વારા સમસ્યાનું સમાધાન કઈ રીતે લાવવામાં આવે છે તે અંગેની સમજૂતી તેમજ મહિલા સ્વાવલંબન યોજના વિશે માહિતી અને યોજનાકીય પેમ્પલેટનું વિતરણ કરવામાં આવ્યું હતું. આ કાર્યક્રમમાં ઔદ્યોગિક તાલીમ કેન્દ્રના બહેનો તેમજ વિદ્યાર્થીઓ હાજર રહ્યા હતાં.
કાર્યક્રમમાં સ્વરોજગાર કચેરીના સિનિયર એમ્પ્લોયમેન્ટ કલાર્ક ભારતીબેન, જિલ્લા ઉદ્યોગ કેન્દ્રના કર્મચારીઓ, એસ.બી.આઈ.આર.એસ.ઈ.ટી.આઈ.ના કાર્યક્રમ સંચાલક અમિતભાઈ ગોસ્વામી તેમજ સખી વન સ્ટોપ સેન્ટરના કર્મચારીઓ ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
