Author: નોબત સમાચાર
ખોદકામ પછી ૫ેચવર્કમાં લોટ-પાણીને લાકડા જેવા અણઘડ-નબળા કામને અટકાવતા જાગૃત કોર્પોરેટર
કોર્પોરેટર હો તો ઐસા... મનપા તંત્રના નબળા કામનો પર્દાફાશ
જામનગર તા. ર૯: જામનગર મહાનગરપાલિકા તંત્ર દ્વારા રસ્તાના રીપેરીંગના કામ હોય કે ખાડા પૂરવાના કામ હોય કાયમ માટે નબળા અને અણઘડ કામ થતા રહ્યા હોવાની વ્યાપક ફરિયાદો ઊઠતી જ હોય છે... પણ સત્તાધારી પક્ષના કોર્પોરેટરો તો કાંઈ જ બોલી શકે તેવી સ્થિતિમાં જ હોતા નથી ત્યારે ગણ્યા-ગાંઠ્યા વિપક્ષી સભ્યોની જવાબદારી વધી જાય છે. તેમાં ય વળી ક્યાંક ઈલુ-ઈલુ થઈ જાય અને નબળા કામો સામે આંખ અને મોઢું બંધ થઈ જાય છે.
પણ વોર્ડ નં. ૬ ના યુવા કોર્પોરેટર રાહુલભાઈ બોરીચાએ મનપા તંત્રના નબળા અને અણઘડ કામ સામે અવાજ ઊઠાવ્યો છે. મહાકાળી સર્કલ પાસે ભૂગર્ભ ગટરની લાઈનના ખોદકામ પછી ખાડા પૂરવાનું અને પેચવર્કનું કામ ચાલતું હતું ત્યાં ચેકીંગ કર્યું તો કામ ખૂબ જ હલકી ગુણવત્તનું થઈ રહ્યાનું જણાતા તેમણે કામ અટકાવી દીધું હતું. સરખું કામ કરવા સૂચના આપી હતી. નવાઈની વાત એ છે કે, કામ ચાલતું હતું ત્યાં સ્થળ ઉપરના મનપાના ઈજનેરે કોઈ જવાબ આપવાનો ઈન્કાર કરી દીધો હતો.
ખેર... એક કોર્પોરેટરે તો એટલીસ્ટ પોતાના વોર્ડમાં ચાલી રહેલા નબળા કામ અંગે હિંમત અને જાગૃતિ બતાવી છે. તેવી જ હિંમત અને જાગૃતિ ખરેખર તો શાસક પક્ષના કોર્પોરેટરોએ બતાવવાની જરૂર છે. જો એમ થાય તો મનપા તંત્ર દ્વારા ચાલતી લાલિયાવાડી, ભ્રષ્ટાચાર, નબળા કામને થોડી ઘણી તો બ્રેક અવશ્ય લાગી શકે છે. ધારાસભ્યોને પણ શહેરીજનોના મતો મળે છે, ત્યારે તેમની પણ નબળા કામ ન થાય તે જોવાની જવાબદારી બને છે!
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
