Author: નોબત સમાચાર
જામનગરમાં અંડર-૧૪ અને સિનિયર ખેલાડીઓ વચ્ચે ઓપન સૌરાષ્ટ્ર ક્રિકેટ ટુર્નામેન્ટ
નગરના ગૌરવસમા ખ્યાતિ પ્રાપ્ત પૂર્વ ખેલાડીઓની સ્મૃતિમાં
જામનગર ડિસ્ટ્રીક્ટ સ્પોર્ટસ સેન્ટર અને જામનગર ડિસ્ટ્રીક્ટ ક્રિકેટ એસોસિએશનના સંયુક્ત ઉપક્રમે જામનગરનું ગૌરવ એવા ખ્યાતનામ પૂર્વ ખેલાડીઓ સ્વ. રાજેન્દ્રસિંહ જાડેજા તથા સ્વ. વામન જાનીની સ્મૃતિમાં અંડર-૧૪ તથા સિનિયર ખેલાડીઓ માટેની ઓપન સૌરાષ્ટ્ર ક્રિકેટ ટુર્નામેન્ટ યોજવામાં આવી હતી. જેમાં વામન જાની ટુર્નામેન્ટના ફાઈનલ સહિતના મેચો પૂર્ણ થયા છે. જ્યારે આજે સિનિયર ખેલાડીઓની ટીમોમાં રાજકોટ અને જામનગરની ટીમ વચ્ચે મર્યાદિત ઓવરનો ફાઈનલ મેચ રમાયો હતો. આ મેચના આરંભ પ્રસંગે શ્રીમતી યાસિકા કુમારીબા જાડેજા તેમજ કશ્યપભાઈ મહેતા, વિજયભાઈ બાબરિયા, ભરતભાઈ મથ્થર ઉપસ્થિત રહ્યા હતાં. આજે સાંજે બન્ને કેટેગરીની ટુર્નામેન્ટના વિજેતા ટીમો તેમજ ઉચ્ચ પ્રદર્શન કરનાર ખેલાડીઓને ટ્રોફી તથા ઈનામ વિતરણનો સમારોહ ક્રિકેટ બંગલાના મેદાન પર યોજાનાર છે. આ સમારોહમાં ધારાસભ્ય દિવ્યેશભાઈ અકબરી, મેયર વિનોદભાઈ ખીમસૂર્યા, ડે. મેયર ક્રિષ્નાબેન સોઢા, સ્થાયી સમિતિના ચેરમેન નિલેશભાઈ કગથરા, શાસક જુથના નેતા આશિષભાઈ જોષી, દંડક કેતનભાઈ નાખવા, વિપક્ષના નેતા ધવલભાઈ નંદા ઉપસ્થિત રહેશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
