Author: નોબત સમાચાર
કાળઝાળ ગરમીમાં વીજપુરવઠો ખોરવાઈ જવાના બનાવોથી રહેવાસીઓ ત્રાહીમામ
ખંભાળીયાની રામનાથ સોસાયટીમાં ફરીથી વીજધાંધીયા શરૂ થતાં લોકોમાં રોષની લાગણી
ખંભાળીયા તા. ર૧ : ખંભાળીયા પાલિકા વિસ્તારમાં રામનાથ સોસાયટી પાસે એસ.એન.ડી.ટી. ધર્મબાગ સોસાયટી વિસ્તારમાં ફરી વીજ ધાંધિયા શરૂ થતાં તથા વારંવાર વીજ પુરવઠો ખોરવાઈ જતાં ઉનાળામાં લોકો પરેશાન થઈ ગયા છે.
ગઈકાલે રાત્રે દોઢ વાગ્યે વીજ પુરવઠો ચાલ્યા જતાં એસી, પંખા વગર લોકોને ફરજિયાત રાત્રી જાગરણની સ્થિતિ થઈ હતી. આવી જ રીતે બે-ત્રણ દિવસમાં આમ બે-ત્રણ વખત કલાકો સુધી વીજ પુરવઠો ખોરવાઈ ગયો હતો.
આ વિસ્તારમાં લાંબા સમયથી વીજ પ્રશ્ન હોય તથા લો વોલ્ટેજનો પ્રશ્ન હોય તત્કાલીન પીજીવીસીએલ કાર્ય. ઈજનેર બારીસાના પ્રયાસોથી ડે. ઈજનેર પંડ્યા તથા જુ.ઈ. રોનક પટેલ દ્વારા ૧૦૦ હો.પા.નું નવું ટ્રાન્સફોર્મર નાખીને વર્ષો જુનો વીજ પ્રશ્ન હલ કરવા પ્રયાસ કરાયા હતાં. પણ ફરીથી થોડા જ સમયમાં કાળઝાળ ઉનાળે વીજ પુરવઠો ખોરવાઈ જવો કે વીજ વોલ્ટેજ ડાઉન જવાનો પ્રશ્ન ઉદ્ભવતા ભારે રોષની લાગણી ફેલાઈ છે. અગ્રણીઓ કપિલભાઈ દત્તાણી, કૌશિકભાઈ અનડકટ, ભરતભાઈ દવે, ચિરાગભાઈ દત્તાણી, દિપેશભાઈ ચુડાસમા દ્વારા આ મુદ્દે તાકીદે યોગ્ય કરવા માંગણી કરાઈ છે. વીજ વાયરો તુટતા સાંધા લગાવીને નખાતા વીજ વાયરોના કારણે પણ આવા ફોલ્ટ વારંવાર થતાં હોય તાકીદે યોગ્ય કરવાની માંગણી કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
