Author: નોબત સમાચાર
ટ્રાફિક જાગૃતિ તથા માર્ગ સલામતી માટે બોક્સ ક્રિકેટ ટુર્નામેન્ટ યોજાઈ
ફાઈનલમાં પોલીસ તથા પ્રિન્સ ઈલેવન વચ્ચે થયો મેચઃ
ખંભાળિયા તા. ૨૧: દ્વારકા જિલ્લા પોલીસ દ્વારા માર્ગ સલામતી તથા ટ્રાફિક જાગૃતિ માટે બોક્સ ક્રિકેટ ટુર્નામેન્ટનું આયોજન કરવામાં આવ્યું હતું. જેમાં દસ ટીમે ભાગ લીધો હતો. ફાઈનલમાં પોલીસ ટીમ તથા પ્રિન્સ ઈલેવન ટકરાયા હતા. પ્રિન્સ ઈલેવન ભારે રસાકસી પછી વિજય પ્રાપ્ત કર્યાે હતો.
દેવભૂમિ દ્વારકા જિલ્લાના માર્ગ સલામતી જાગૃતિ અંગે દ્વારકા જિલ્લા ૫ોલીસ દ્વારા ખંભાળિયામાં દસ ટીમ માટે બોક્સ ક્રિકેટ ટુર્નામેન્ટ યોજવામાં આવી હતી. જેના ફાઈનલમાં જિલ્લા પોલીસ ઈલેવન તથા ખંભાળિયા શહેર યુવા ભાજપની પ્રિન્સ ઈલેવન ટકરાઈ હતી. તેના પ્રિન્સ ઈલેવનનો વિજય થયો હતો.
કાર્યક્રમના આયોજક જિલ્લા પોલીસવડા નિતેશ પાંડેયે ટુર્નામેન્ટમાં ઉપસ્થિત રહી ખેલાડીઓને પ્રોત્સાહિત કર્યા હતા. ટ્રાફિક શાખાના ઈન્ચાર્જ પીઆઈ સોલંકી તથા સ્ટાફે ટ્રાફિક જાગૃતિ અંગે પેમ્પલેફ્ટ વિતરણ કર્યા હતા.
ટુર્નામેન્ટમાં ખંભાળિયા તથા આજુબાજુના ગામોના લોકો ઉમટી પડ્યા હતા. વિજેતા ટીમના કેપ્ટન બ્રિજરાજસિંહ જાડેજાને ટ્રોફી એનાયત કરાઈ હતી. જિલ્લા ભાજપ મહામંત્રી રસીકભાઈ નકુમ તેમજ અન્ય અગ્રણી ઈન્દ્રજીતસિંહ પરમાર, માનભા જાડેજા, વનરાજસિંહ વાઢેર, રાજ મોદી, મોહિત મોટાણી તથા પોલીસ અધિકારીઓ ફાઈનલમાં ઉપસ્થિત હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
