Advertisement
Author: નોબત સમાચાર

દડિયામાં સરકારી જમીન પર કરાયેલુ ગેરકાયદે બાંધકામ જાતે દૂર કરાયું

પોલીસ દ્વારા પાડતોડની તજવીજ કરાતા

                                                                                                                                                                                                      

જામનગર તા. ૨૩: જામનગરના દડીયામાં એક મહિલા દ્વારા સરકારી જમીનમાં ખડકી દેવાયેલું મકાન તોડી પાડવા શરૂ કરાયેલી તજવીજ દરમિયાન તે મહિલાએ જાતે જ તે મકાન પાડી નાખી સરકારી જગ્યા ખૂલી કરી આપી છે. તેણી સામે અગાઉ દારૂબંધી ભંગના કેટલાક ગુન્હા નોંધાયેલા છે.

જામનગરના રણજીત સાગર રોડ પર આવેલા દડીયા ગામમાં રસીલાબેન ઓઘડભાઈ જાટીયા નામના મહિલાએ સરકારી જમીન પર ૧૨૦૦ ફૂટ જગ્યા દબાવી લઈ તેના પર રહેણાંક મકાન બનાવી નાખ્યું હતું.

આ મહિલા સામે દારૂબંધી ભંગના કેટલાક ગુન્હા નોંધાયેલા છે. જેમાંથી કેટલાક ગુન્હાઓ સાબિત થઈ થયા છે. પોલીસ દ્વારા અસામાજિક તત્ત્વોની તૈયાર કરેલી યાદીમાં આ મહિલાનું નામ પણ સમાવિષ્ટ થયું હતું. તેઓએ કરેલા બાંધકામને પાડી નાખવા માટે સૂચના આપવામાં આવતા પંચકોશી બી ડિવિઝન પોલીસે લાલપુરના એએસપી પ્રતિભાના માર્ગદર્શન હેઠળ અને પીઆઈ વી.જે. રાઠોડના વડપણ હેઠળ પાડતોડ માટે તજવીજ કરતા રસીલાબેને જાતે જ પાડતોડ કરી રૂ.૯ લાખની સરકારી જમીન ખૂલી કરાવી છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh