Author: નોબત સમાચાર
ખંભાળિયામાં અસામાજિક શખ્સ દ્વારા ખડકી દેવાયેલું મકાન કરાયું જમીનદોસ્ત
રૂ.૯ લાખની ૧૨૦૦ ફૂટ જગ્યા ખાલી કરાવાઈઃ
ખંભાળિયા તા. ર૩: ખંભાળિયામાં વસવાટ કરતા એક અસામાજિક શખ્સે સરકારી જમીનમાં ૧૨૦૦ ફૂટ દબાણ કરી બે માળનું મકાન ખડકી દીધુ હતું. તે દબાણ ગઈકાલે ખંંભાળિયા પોલીસે હટાવી રૂ.૯ લાખની જમીન ખૂલી કરાવી છે.
ખંભાળિયા ૫ંથકમાં વસવાટ કરતા અસામાજિક તત્ત્વોની યાદી તૈયાર કરી કાયદાકીય કાર્યવાહી કરવા માટે પીઆઈ બી.જે. સરવૈયાએ આપેલી સૂચનાના પગલે પીએસઆઈ ડી.એ. વાળા, યુ.કે. જાદવ, વી.આર. વસાવાની જુદીજુદી ટીમ કાર્યરત થઈ હતી.
તે દરમિયાન ખંભાળિયામાં એલઆઈસી ઓફિસ પાછળ વસવાટ કરતા અને અલગ અલગ ગુન્હાહિત પ્રવૃત્તિ સાથે સંકળાયેલા અકબર ઉર્ફે હકા અલીમામદ બ્લોચ નામના શખ્સનું નામ ઉપસી આવ્યું હતું. આ શખ્સ સામે મારા મારી, લૂંટ, ચોરી, હથિયાર ધારા, દારૂબંધી ભંગ સહિતના ગુન્હાઓ નોંધાયેલા છે અને આ શખ્સે એલઆઈસી ઓફિસ પાછળ સરકારી જમીનમાં ૧૨૦૦ ફૂટ જગ્યા પર દબાણ કરી મકાન ખડકી દીધાનું ખૂલ્યું હતું.
તે મકાનની પાડતોડ માટે મંજૂરી મેળવાયા પછી ગઈકાલે પોલીસે આ શખ્સનું બે માળું મકાન જમીનદોસ્ત કર્યું છે અને રૂ.નવેક લાખની જગ્યા ખૂલી કરાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
