Author: નોબત સમાચાર
ખીજડિયા બાયપાસ પાસે ટ્રકના ઠાઠામાં ઘૂસેલા બાઈકચાલક યુવાનનું થયું મૃત્યુ
ગયા શનિવારે રાત્રે લગાવી હતી બાઈક રેસઃ
જામનગર તા. ૨૩: જામનગરથી ફલ્લા વચ્ચે ગયા શનિવારે રાત્રે કેટલાક યુવાનોએ બાઈક રેસ લગાવી હતી. જેમાં ખીજડીયા બાયપાસ પાસે એક યુવાનનું બાઈક આગળ જતા ટ્રકના ઠાઠામાં ટકરાયું હતું. ગંભીર ઈજા પામેલા આ યુવાનનું સારવારમાં મૃત્યુ નિપજ્યું છે. તેની સાથે રેસ લગાવનાર અન્ય બાઈકચાલકો સામે પોલીસે ગુન્હો નોંધી પાંચ બાઈક કબજે કરી લીધા હતા.
જામનગર-રાજકોટ માર્ગ પર ખીજડિયા બાયપાસથી ફલ્લા વચ્ચે ગયા શનિવારે રાત્રે કેટલાક યુવાનોએ બાઈક પર સૂતા સૂતા રેસ લગાવી હતી. ધ્રોલ નજીક લૈયારામાં યોજાયેલા એક પ્રસંગમાંથી પરત ફરતી વખતે આ યુવાનો મસ્તીએ ચડ્યા હતા.
ફૂલસ્પીડમાં દોડી આવતા આ યુવાનો પૈકીના અંકિત દિલીપભાઈ મકવાણાનું બાઈક આગળ જતાં ટ્રકના ઠાઠામાં ઘૂસ્યું હતું. માથા સહિતના શરીરના અન્ય ભાગોમાં ગંભીર ઈજા પામેલા આ યુવાનને ૧૦૮ મારફતે સારવાર માટે જીજી હોસ્પિટલ ખસેડવામાં આવ્યો હતો.
આ યુવાનનું સારવાર દરમિયાન ગઈકાલે મૃત્યુ નિપજયું છે. તેની સાથે બાઈક રેસ લગાવી રહેલા આઠ અન્ય યુવાન સામે ગુન્હો નોંધવામાં આવ્યો હતો. જેમાંથી પાંચની ધરપકડ કરી લેવાઈ છે અને તેઓના બાઈક કબજે કરાયા છે. બાકીના ત્રણ બાઈકર્સની શોધખોળ કરાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
