Author: નોબત સમાચાર
સમાચાર આપવા માટે ન્યૂઝ ઓફિસે ગયેલા વૃદ્ધને વાંસામાં ફટકારાઈ લાકડી
ઓફિસમાંથી નીકળી જવાનું કહી ધમકી અપાઈઃ
જામનગર તા. ર૩: કાલાવડમાં એક કોમ્પલેક્ષ સ્થિત ન્યૂઝ ઓફિસમાં સમાચાર આપવા માટે એક વૃદ્ધ ગયા હતા ત્યારે તેઓને એક શખ્સે ઓફિસમાંથી નીકળી જવા ફરમાન કરી લાકડીથી વાંસામાં ફટકો મારી જાનથી મારી નાખવાની ધમકી આપતા પોલીસમાં ફરિયાદ કરવામાં આવી છે.
કાલાવડ શહેરમાં બ્રહ્મ સમાજની વાડી પાસે રહેતા અને કાલાવડમાં આવેલા શિતલા માતાના મંદિરમાં સેવા પૂજા કરતા ગોપેશભાઈ ઉદયશંકર જોષી નામના વૃદ્ધ ગઈકાલે બપોરે કાલાવડમાં સાગર કોમ્પલેક્ષમાં આવેલી હિંદ ન્યૂઝ નામની કચેરીમાં ગયા હતા.
શિતલા માતાના મંદિરમાં ચાલતા પ્રશ્ન બાબતે સમાચાર આપવા મુદ્દે ચર્ચા કરવા જ્યારે ગોપેશભાઈ પહોંચ્યા ત્યારે રીતેશ પટેલ નામના શખ્સે તમે મંદિરનું બધુ ખાઈ ગયા છો તેમ કહી ગાળો ભાંડી હતી અને ઓફિસમાંથી નીકળી જવા માટે સૂચના આપી હતી.
ત્યારપછી ઉશ્કેરાયેલા રીતેશે લાકડી ઉપાડી વાંસામાં ઝીંકી દઈ ગોપેશભાઈને ફરી ઓફિસે આવતો નહીં તેમ કહી જાનથી મારી નાખવાની ધમકી આપતા કાલાવડ શહેર પોલીસ સ્ટેશનમાં ફરિયાદ કરવામાં આવી છે. પોલીસે રીતેશ સામે ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
