જામનગર આઈસીએઆઈ હાર્મની લીગ નાઈટ ક્રિકેટ ટુર્નામેન્ટ સફળતાપૂર્વક સંપન્ન

Author: નોબત સમાચાર

જામનગર આઈસીએઆઈ હાર્મની લીગ નાઈટ ક્રિકેટ ટુર્નામેન્ટ સફળતાપૂર્વક સંપન્ન

ચાર્ટર્ડ એકાઉન્ટન્ટ સંસ્થા દ્વારા આયોજીત

જામનગર તા. ૨૩: જામનગરની ચાર્ટર્ડ એકાઉન્ટન્ટસ સંસ્થા દ્વારા આઈસીએઆઈ હાર્મની લીગ નાઈટ ક્રિકેટ ટુર્નામેન્ટ પોલીસ હેડ હેડ કવાટર્સના ગ્રાઉન્ડ પર રમાડવામાં આવી હતી. જેમાં મ્યુનિ. કોર્પોરેશન, ડોકટર એસો., ઈન્ડિયન ડેન્ટલ એસો. બાર એસો. સેન્ટ્રલ જીએસટી વિભાગ, ઈન્કમ ટેકસ ડીપાર્ટમેન્ટ, કસ્ટમ ડીપાર્ટમેન્ટ, પીજીવીસીએલ, ચેમ્બર ઓફ કોમર્સ, સીએ ઈલેવન એમ દસ ટીમોએ ભાગ લીધો હતો.

આ ટુર્નામેન્ટમાં મ્યુનિ. કોર્પો.ની ટીમ ચેમ્પીયન તથા ડોકટર એસો.ની ટીમ રનર્સ અપ થઈ હતી. બેસ્ટ બેટર તરીકે ભાવિક મુંરા, બેસ્ટ બોલર તરીકે વિજય બાબરીયા, પ્લેયર ઓફ ધી ટુર્નામેન્ટ તરીકે ડો. પરેશ જેઠવા જાહેર થયા હતાં.

હાર્મની લીગ ટુર્નામેન્ટમાં ઉપસ્થિત રહેલા જામનગર પત્રકાર મંડળના પ્રમુખ ગિરીશભાઈ ગણાત્રાનું સંસ્થાના પૂર્વ ચેરમેન ભરત ભટ્ટના હસ્તે સન્માન કરાયું હતું. આ ટુર્નામેન્ટને સફળ બનાવવા માટે જામનગર બ્રાન્ચના ચેરમેન હરદીપસિંહ જાડેજા, વાઈસ ચેરમેન મહમદ સફી કુરેશી, સેક્રેટરી જયદીપ રાયમંગિયા, ટ્રેઝરર ખુશી ગુઢકા તથા જામનગર બ્રાન્ચ ઓફ વિકાસા ચેરમેન, વિશાલ સાકરીયા-વિકાસા કો-ઓપટેડ મેમ્બર, દિપક દામા તથા વિકાસા ટીમના હોદેદારો અને ભુતપૂર્વ ચેરમેન પ્રતિક ચાંદ્રા, તથા સંયોજકો તરીકે ભૂતપૂર્વ ચેરમેન અંકુર દોશી, તથા સુમિત ગોસરાણી, હેમલ મહેતા, પાર્શ્વ મહેતા, આદિત્ય ત્રિવેદી તથા અન્ય સીએ અને સીએના વિદ્યાર્થીઓ, સ્વયંસેવકોએ જહેમત ઉઠાવી હતી.

જો આપને આ પોસ્ટ ગમી હોય તો શેર કરો...