જોડિયાધામનાં ગીતા વિદ્યાલયમાં પૂ. મોરારીબાપુના પાવન સાનિધ્યમાં ગીતા જયંતી મહોત્સવની ભક્તિભાવ પૂર્વક ઉજવણી

Author: નોબત સમાચાર

જોડિયાધામનાં ગીતા વિદ્યાલયમાં પૂ. મોરારીબાપુના પાવન સાનિધ્યમાં ગીતા જયંતી મહોત્સવની ભક્તિભાવ પૂર્વક ઉજવણી

આવતા વર્ષે મહોત્સવનાં પ૦માં વર્ષે વિશેષ ઉજવણીનો સંકલ્પ અભિવ્યક્તઃ

જામનગર જિલ્લાનાં જોડિયામાં પૂજ્યશ્રી વિરાગમુનિજી સ્થાપિત શ્રી રામ કૃષ્ણ સાધના ટ્રસ્ટ શ્રી ગીતા વિદ્યાલય 'ધર્મક્ષેત્ર'માં પ્રસિદ્ધ રામકથાકાર પૂ. શ્રી મોરારીબાપુના પાવન સાનિધ્યમાં માગશર સુદ એકાદશીના ગીતા જયંતિ મહોત્સવની ભક્તિભાવ પૂર્વક ઉજવણી કરવામાં આવી હતી. ગીતા જયંતિના પૂર્વદિને સવારે અને સાંજે સંતો-કથાકારનાં સત્સંગ પ્રવચન યોજાયા હતાં. તેમજ વિશ્વ કલ્યાણ અર્થે હરી પ્રસન્નતા અર્થે શ્રી ગીતા વિધાલયનાં બાળકો, ભાવિકો દ્વારા હોમાત્ક યજ્ઞ યોજાયો હતો. ગીતા જયંતીના યુગ પર્વે સવારે પૂ. મોરારીબાપુએ મંગલ ગીતા સંદેશ પ્રવચન આપી શ્રોતાઓને કૃતાર્થ કર્યા હતાં. પૂ. મોરારીબાપુ તથા સંતો દ્વારા દિપ પ્રાગટ્ય સાથે ગીતાજીની આરતી કરવામાં આવી હતી. તેમજ ગીતા વિદ્યાલયના બાળકોએ ગીતાજીના સામૂહિક પાઠ કર્યા હતાં. પૂ. મોરારીબાપુએ પૂ. વિરાગમુનિજીનું પૂજન કરી મંગલ ગીતા સંદેશ પ્રવચન આપ્યું હતું. જોડીયાની પાવન ધરા પર પૂ. વિરાગમુનિની ભૂમિમાં છેલ્લા ૪૮ વર્ષથી ગીતા જયંતિ ઉજવાય છે જે મહોત્સવને ૪૯ વર્ષ થયા છે આવતા વર્ષે પ૦ માં મહોત્સવ નિમિત્તે વિશેષ કાંઈક આયોજન થશે તેવો સંકલ્પ પૂ. મોરારીબાપુએ અભિવ્યક્ત કર્યાે હતો.

જો આપને આ પોસ્ટ ગમી હોય તો શેર કરો...