દ્વારકામાં નવા ગોમતીઘાટ પાસે તીનપત્તી રમતા ત્રણ શખ્સ સામે કરાઈ કાર્યવાહી

Author: નોબત સમાચાર

દ્વારકામાં નવા ગોમતીઘાટ પાસે તીનપત્તી રમતા ત્રણ શખ્સ સામે કરાઈ કાર્યવાહી

નાના આંબલામાંથી ચાર પત્તાપ્રેમી ઝડપાયાઃ

જામનગર તા. ૨૩ઃ દ્વારકાના નવા ગોમતીઘાટ પાસે ગઈકાલે ગંજીપાનાથી જુગાર રમતા ત્રણ શખ્સને પોલીસે પકડી પાડ્યા હતા. જ્યારે નાના આંબલા ગામમાંથી ચાર પત્તાપ્રેમી પોલીસના દરોડામાં પકડાઈ ગયા હતા.

દ્વારકામાં જગતમંદિર પાસે આવેલા નવા ગોમતીઘાટ પર ગઈકાલે બપોરે ત્રણ શખ્સ જુગાર રમતા હોવાની બાતમી મળતા દ્વારકા પોલીસે દરોડો પાડ્યો હતો. ત્યાં શંખ વેચવાનો વ્યવસાય કરતા ગજુભા રવુભા માણેક, દ્વારકા નગરપાલિકામાં સફાઈ કામદારની ફરજ બજાવતા રવજીભાઈ રાણાભાઈ શુકલ તથા રામેશ્વર મંદિરમાં સેવા પૂજા કરતા ડાયાભાઈ ભોવાનભાઈ કાસાવાલા નામના ત્રણ શખ્સ ગંજીપાનાથી જુગાર રમતા મળી આવ્યા હતા. પોલીસે રૃા.૪૪૫૦ રોકડા પટમાંથી કબજે કરી ગુન્હો નોંધ્યો છે. ખંભાળિયા તાલુકાના નાના આંબલા ગામમાં ગઈકાલે સાંજે જુગારની જમાવટ થઈ હોવાની બાતમી મળતા વાડીનાર મરીન પોલીસ સ્ટેશનના સ્ટાફે ત્યાં આવેલી દરગાહ્ પાછળની બાવળની ઝાડી નજીક દરોડો પાડતા ત્યાં ગંજીપાનાથી તીનપત્તી રમતા મુસા ઉમરભાઈ ગજણ, ફિરોઝ હુસેનભાઈ સુમરા, નાઝીમ ઈસ્માઈલ ગજણ તથા હાજી સલેમાન સંઘાર નામના ચાર શખ્સ મળી આવ્યા હતા. પોલીસે પટમાંથી રૃા.૨૦૪૦ રોકડા કબજે કરી ચારેયની ધરપકડ કરી છે.

જો આપને આ પોસ્ટ ગમી હોય તો શેર કરો...