દ્વારકાના કલેકટર તરીકે મોરબીથી બદલીને આવેલા જી.ટી. પંડ્યાએ ચાર્જ સંભાળ્યો : બેઠક યોજી

Author: નોબત સમાચાર

દ્વારકાના કલેકટર તરીકે મોરબીથી બદલીને આવેલા જી.ટી. પંડ્યાએ ચાર્જ સંભાળ્યો : બેઠક યોજી

પ્રમોશન સાથે અશોક શર્મા એસ.ટી. નિગમના વાઈસ ચેરમેન બનતા

ખંભાળીયા તા. ૩ઃ દ્વારકા જિલ્લાના કલેકટર તરીકે જી.ટી.પંડ્યાએ ગઈકાલે ચાર્જ સંભાળ્યો હતો. તેમની મોરબીથી દેવભૂમિ દ્વારકા જિલ્લામાં કલેકટર તરીકે બદલી થઈ છે. સૌ અધિકારીગણ, કર્મચારીગણ અને મુલાકાતીઓએ નવનિયુક્ત કલેકટરને મળીને શુભેચ્છાઓ પાઠવી હતી અને જિલ્લા વિશે પ્રાથમિક રીતે અવગત કર્યા હતાં. અત્રે ઉલ્લેખનીય છે કે, દેવભૂમિ દ્વારકામાં કલેકટર તરીકે કાર્યરત અશોક શર્માને એસ.ટી. નિગમના વાઈસ ચેરમેન તરીકે જવાબદારી સોંપતા નવનિયુક્ત કલેકટર જી.ટી. પંડ્યાએ ચાર્જ સંભાળ્યો હતો.

દ્વારકાના જિલ્લા કલેકટર અશોક શર્માને એસ.ટી. નિગમના વાઈસ ચેરમેન તરીકે બઢતી મળતા તેમને વિદાયમાન અપાયું હતું. જેમાં ડીડીઓ, એસ.ડી. ધાનાણી, પ્રાંત ખંભાળીયા કરમટા, પ્રાંત દ્વારકા ભગોરા તથા અન્ય અધિકારીઓ જોડાયા હતાં.

ચાર્જ સંભાળતાની સાથે જ જિલ્લા કલેકટર પંડ્યાએ સ્ટાફ સાથે ખાસ બેઠક યોજીને સ્થિતિ અંગે સમીક્ષા કરી પરિચય કેળવ્યો હતો. દ્વારકા જિલ્લા કલેકટર તરીકે હાજર થયા પછી તુરત જ દ્વારકા દર્શને ગયેલા પૂર્વ જિલ્લા કલેકટર અશોક શર્મા બદલી થતાં ફરી દ્વારકાધીશ દર્શને ગઈકાલે ગયા હતા તથા નવા જિલ્લા કલેકટર જી.ટી.પંડ્યાએ પણ દ્વારકાધીશના દર્શન પૂજા કરી આશીર્વાદ મેળવ્યા હતા તથા નવા જુના બન્ને કલેકટરોએ એકબીજાને શુભેચ્છા પણ પાઠવી હતી.

જો આપને આ પોસ્ટ ગમી હોય તો શેર કરો...