Author: નોબત સમાચાર
પીપરટોડા પાસેથી મૃત હાલતમાં મળેલા યુવાનનું સર્પદંશથી મૃત્યુ થયાનું ખૂલ્યું
બુધવારે કારખાનેદાર ઘરેથી નીકળ્યા હતાઃ
જામનગર તા. ૩ઃ લાલપુરના પીપરટોડા ગામ પાસેથી બુધવારે એક યુવાનનો મૃતદેહ મળી આવ્યો હતો. મૃતક જામનગરના કારખાનેદાર હોવાનું ખૂલ્યું હતું. મૃતદેહનું પી.એમ. કરાવાતા સર્પદંશથી આ યુવાનનું મૃત્યુ થયાનું તારણ મળવા પામ્યું છે.
લાલપુર તાલુકાના પીપરટોડા ગામ પાસે આવેલા સીએચસી સેન્ટર નજીકના પુલીયા પાસેથી બુધવારે એક યુવાનનો મૃતદેહ મળી આવ્યો હતો. આ યુવાનના માથાના ભાગમાં ઈજાનું નિશાન અને લોહી જોવા મળતા કોઈએ પોલીસને જાણ કરી હતી. દોડી ગયેલી લાલપુર પોલીસે મૃતદેહનો કબજો સંભાળી પી.એમ.માં ખસેડ્યો હતો.
ત્યારપછી મેડિકલ કોલેજમાં ગઈકાલે મૃતદેહનું પેનલ પી.એમ. કરવામાં આવતા આ યુવાનને સર્પદંશ થયા પછી તેઓનું મૃત્યુ નિપજ્યાનું ખૂલ્યું છે.
તે દરમિયાન મૃતકની ઓળખ મેળવવા પોલીસે કરેલી તજવીજમાં આ યુવાન જામનગરના લાલપુર બાયપાસ પાસે વ્રજ સોસાયટીમાં રહેતા દિનેશભાઈ શિવાભાઈ સાવલીયા નામના કારખાનેદાર હોવાનું ખૂલ્યું હતું. તેઓ બુધવારે સવારે પોતાના ઘરેથી નીકળ્યા હોવાનું પરેશભાઈ સાવલીયાએ પોલીસને જણાવ્યું હતું. લાલપુર પોલીસે અપમૃત્યુ અંગે નોંધ કરી તપાસ આગળ ધપાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
