Author: નોબત સમાચાર
ગુલાબનગર પાસે ટ્રાન્સફોર્મરમાંથી વીજ આંચકો લાગતા યુવાનનું મૃત્યુ
લોહાણા વેપારી પરિવાર સ્તબ્ધઃ
જામનગર તા. ૩ઃ જામનગરના ગુલાબનગર નજીક આવેલા સાંઢીયા પુલ પાસે ટ્રાન્સફોર્મરમાંથી ગઈકાલે વહેલી સવારે એક યુવાનને વીજ આંચકો લાગતા તેઓનું મૃત્યુ નિપજ્યું છે. નગરનો લોહાણા પરિવાર સ્તબ્ધ બની ગયો છે.
જામનગરના ગુલાબનગર રોડ પર આવેલા ત્રિમંદિર રોડ નજીક મારૃતીનગરમાં રહેતા સમીરભાઈ માધવજીભાઈ સોનૈયા નામના લોહાણા વેપારીના પુત્ર નૈમિષભાઈ (ઉ.વ.૨૫) ગઈકાલે સવારે છએક વાગ્યે વોક માટે નીકળ્યા પછી ગુલાબનગર નજીકના સાંઢીયા પુલ પાસે આવેલા મેલડી માતાના મંદિર નજીક પહોંચ્યા હતા.
આ યુવાન ત્યાં આવેલા એક ટ્રાન્સફોર્મર પાસે ઉભા હતા તે દરમિયાન ટ્રાન્સફોર્મરમાંથી વીજ આંચકો લાગતા તેઓનું મૃત્યુ નિપજ્યું છે. વહેલી સવારે બનેલા આ બનાવની નવેક વાગ્યે અન્ય લોકોને જાણ થઈ હતી. પોલીસ તથા ૧૦૮ને વાકેફ કરવામાં આવતા પોલીસ કાફલો પણ દોડી ગયો હતો. પોલીસે મૃતદેહનો કબજો સંભાળી શરૃ કરેલી તપાસમાં મૃતકની ઓળખ મળવા પામી હતી.
મૃતકના પરિવારને જાણ કરાયા પછી પોલીસે પિતા સમીરભાઈનું નિવેદન નોંધી અપમૃત્યુની નોંધ કરી છે. જામનગરની ગ્રેઈન માર્કેટમાં વ્યાપાર કરતા સમીરભાઈના પરિવાર પર વજ્રઘાત થયો છે. મૃતક યુવાને ત્યાં આવેલા સબ સ્ટેશન પાસે જઈ ઈલેકટ્રીકનો વાયર હાથેથી પકડ્યો હોય તેવા સીસીટીવી ફૂટેજ બહાર આવ્યા છે. વહેલી સવારની ઝાકળમાં તે યુવાન સબ સ્ટેશન નજીક પહોંચી વાયરને પોતાના હાથેથી પકડતા તેવા ધુંધળા ફૂટેજ પ્રાપ્ત થયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
