Author: નોબત સમાચાર
સિદ્ધાર્થનગરમાં મકાનમાંથી પોલીસે પકડી પાડી અંગ્રેજી શરાબની પાંચ બોટલ
અન્ય ત્રણ દરોડામાં પાંચ બોટલ સાથે ત્રણ પકડાયાઃ
જામનગર તા. ૩ઃ જામનગર શહેરની સજુબા સ્કૂલ પાસેથી પોલીસે એક શખ્સને દારૃની બોટલ સાથે પકડી પાડ્યો છે. જ્યારે સિદ્ધાર્થનગરમાં મકાનમાંથી દારૃની પાંચ બોટલ ઝડપાઈ છે. ઉપરાંત નાઘેડી તથા બેડ નજીકથી બે શખ્સ ત્રણ બોટલ સાથે ઝડપાઈ ગયા છે.
જામનગરના રતનબાઈ મસ્જિદથી જૂની દીપક ટોકિઝ રોડ પર આવેલી શાળા સામેથી ગઈકાલે સાંજે પસાર થતાં વિક્રમસિંહ ખોડુભા જાડેજા નામના શખ્સને પોલીસે શકના આધારે રોકાવી તલાશી લીધી હતી. કલ્યાણજીના ચોક પાસે પંચરત્ન એપાર્ટમેન્ટમાં રહેતા આ શખ્સ પાસેથી દારૃની બે બોટલ મળી આવી હતી. પોલીસે બોટલ કબજે કરી વિક્રમસિંહની ધરપકડ કરી છે.
જામનગરના વામ્બે આવાસ રોડ પર સિદ્ધાર્થનગર ની શેરી નં.રમાં આવેલા સાગર રામજીભાઈ માંગલીયા નામના શખ્સના મકાનમાં પોલીસે પૂર્વ બાતમીના આધારે દરોડો પાડતા તે મકાનમાંથી ભારતીય બનાવટના અંગ્રેજી શરાબની પાંચ બોટલ મળી આવી હતી.
જામનગર-ખંભાળિયા ધોરીમાર્ગ પર આવેલા નાઘેડી નજીકના ગ્રીન વીલા પાસેથી ગઈકાલે બપોરે રાંદલનગરમાં રહેતો છેલારામ છોતરમલ ચૌહાણ નામના શખ્સના જીજે-૧૦-ડીએફ ૨૭૭૬ નંબરના એક સ્કૂટરને પેટ્રોલિંગમાં રહેલા સિક્કા પોલીસ સ્ટેશનના સ્ટાફે રોકાવ્યું હતું. તે સ્કૂટરમાંથી દારૃની એક બોટલ મળી આવી હતી. પોલીસે બોટલ કબજે કરી સ્કૂટર ડીટેઈન કર્યું છે.
જામનગર-ખંભાળિયા માર્ગ પર બેડ ગામના પાટિયા પાસેથી ગઈકાલે સાંજે પસાર થતાં સિક્કાની તિરૃપતિ સોસાયટીવાળા મનોજપુરી કિશોરપુરી ગોસ્વામી નામના શખ્સને પોલીસે દારૃની બે બોટલ સાથે પકડી પાડ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
