ઓપન જામનગર લેખન સ્પર્ધા યોજાઈઃ લોહાણા કન્યા છાત્રાલયની દીકરીઓ ઝળહળી

Author: નોબત સમાચાર

ઓપન જામનગર લેખન સ્પર્ધા યોજાઈઃ લોહાણા કન્યા છાત્રાલયની દીકરીઓ ઝળહળી

સ્વામી વિવેકાનંદની જન્મજયંતી નિમિત્તે

જામનગર તા. ૩ઃ વી.વી.ત્રિવેદી ચેરીટેબલ ટ્રસ્ટ તથા બ્રહ્મ સોશ્યલ ગ્રુપના સંયુકત ઉપક્રમે અને સ્વામી વિવેકાનંદની જન્મજયંતી નિમિત્તે ઓપન જામનગર લેખન સ્પર્ધા યોજવામાં આવી હતી. આ સ્પર્ધામાં જામનગર લોહાણા કન્યા છાત્રાલયની દીકરીઓએ ભાગ લીધો હતો. જેમાં રૃપારેલ રિદ્ધિએ પ્રથમ, ઠકરાર વિશ્વાએ દ્વિતીય અને હાથી પિનલ, તૃતીય સ્થાન સોમૈયા કૃષિ અને મદલાણી અવની, ચોથા નંબરે વિઠલાણી વૃત્તિ, પાંચમાં નંબરે જાખરીયા કશિષ, તથા છઠ્ઠા નંબરે ચંદારાણા શ્રુતિ વિજેતા થયા હતાં.

વિજેતા બનનાર સ્પર્ધકોને ઈનામો તથા સર્ટિફિકેટ તથા ભાગ લેનાર દરેક દીકરીઓને સર્ટિફિકેટ અને આશ્વાસન ઈનામ આપવામાં આવ્યા હતાં. આ તકે કિર્તીભાઈ કલ્યાણી (પ્રમુખ બ્ર.સો. ગ્રુપ), મનિષભાઈ રાવલ (મંત્રી બ્રહ્મ સો.ગ્રુપ), દિપાલીબેન પંડ્યા, (બ્રહ્મ સો.ગૃપ), વિજયભાઈ ત્રિવેદી (પ્રોજેકટ ચેરમેન બ્રહ્મ સો.ગ્રુપ), નટુભાઈ વી. ત્રિવેદી (પ્રમુખ વી.વી. ત્રિવેદી ચેરી. ટ્રસ્ટ), ચોવટીયાભાઈ, દિલીપભાઈ (સ્વામી વિવેકાનંદ સોસાયટી), લોહાણા કન્યા છાત્રાલયના કાર્યકારી પ્રમુખ ભરતભાઈ મોદી હાજર રહ્યા હતાં. વેલકમ સ્પીચ છાત્રાલયની કોટેચા ભવતિએ આપી હતી તથા આભારવિધિ ઠકરાર વિશ્વાએ કરી હતી. સમગ્ર કાર્યક્રમનું સંચાલન સંસ્થાના ભાવનાબેન પોપટે કર્યું હતું.

જો આપને આ પોસ્ટ ગમી હોય તો શેર કરો...