Author: નોબત સમાચાર
મોટા થાવરીયા ગામ પાસે બે બાઈકની ટક્કરઃ યુવાન ઘવાયા
રોંગ સાઈડમાં સર્જાયોે અકસ્માતઃ
જામનગર તા. ૩ઃ જામનગરના એક યુવાન ગયા મંગળવારે કાલાવડ ધોરીમાર્ગ પર મોટા થાવરીયા ગામ પાસેથી બાઈકમાં જતા હતા ત્યારે સામેથી રોંગ સાઈડમાં ધસી આવેલા બાઈકે ધડાકાભેર અકસ્માત સર્જતા ઘવાયેલા નગરના યુવાનને સારવારમાં ખસેડવામાં આવ્યા છે.
જામનગરના વિકાસગૃહ મેઈન રોડ પર વસવાટ કરતા જયદીપભાઈ ધનસુખભાઈ નિમાવત નામના યુવાન ગઈ તા.૩૦ની બપોરે કાલાવડ રોડ પર આવેલા મોટા થાવરીયા ગામ પાસેથી જીજે-૧૦-ડીએસ ૬૬૨૫ નંબરના મોટરસાયકલ પર પસાર થતા હતા. આ વેળાએ થાવરીયા ગામના પાટિયા સામે આવેલી હોટલ નજીકથી જીજે-૧૦-બીક્યુ ૬૬૧૬ નંબરના મોટર સાયકલના ચાલકે રોંગ સાઈડમાં ધસી આવીને ધડાકા ભેર અકસ્માત સર્જયો હતો. પોતાના બાઈક પરથી ફંગોળાયેલા જયદીપભાઈને ફ્રેક્ચર સહિતની ઈજાઓ થઈ છે. તેઓએ પંચકોશી-એ ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
