Author: નોબત સમાચાર
ભાટિયામાંથી નશાની હાલતમાં ઝડપાયેલા શખ્સની કબૂલાત પરથી પકડાઈ ૩૫ બોટલ
જામનગરમાંથી પાંચ બોટલ સાથે એક શખ્સ પકડાયોઃ
જામનગર તા. ૧૬ઃ જામનગરના હિરજી મિસ્ત્રી રોડ પરથી ગઈકાલે પોલીસે એક શખ્સને અંગ્રેજી શરાબની પાંચ બોટલ સાથે પકડી પાડ્યો છે. જ્યારે કલ્યાણપુરના ભાટિયામાંથી નશાની હાલતમાં ઝડપાયેલા શખ્સે દારૂ આપનાર શખ્સનું નામ આપ્યા પછી પોલીસે તે સ્થળે દરોડો પાડતા બે શખ્સ ૩૫ બોટલ સાથે ઝડપાઈ ગયા હતા. તેઓએ અન્ય બેના નામ પોલીસને આપ્યા છે.
જામનગરના હિરજી મિસ્ત્રી રોડ પર આવેલા એફીલ ટાવર પાસેથી ગઈકાલે સાંજે પસાર થઈ રહેલા દિગ્વિજય પ્લોટ-૫૮માં બાળકોના સ્મશાન પાસે રહેતા મહેન્દ્ર મંગલદાસ માઉ નામના શખ્સને પોલીસે શકના આધારે રોકાવ્યો હતો. તેની તલાશી લેવાતા અંગ્રેજી શરાબની પાંચ બોટલ મળી આવી હતી. પોલીસે બોટલ કબજે કરી મહેન્દ્રની ધરપકડ કરી છે.
દેવભૂમિ દ્વારકા જિલ્લાના ભાટિયામાંથી અજય હીરાભાઈ ઓડીચ નામના શખ્સને પોલીસે નશાની હાલતમાં ઝૂમતો પકડી પાડ્યો હતો. આ શખ્સની પૂછપરછ કરાતા તેણે ભાટિયામાં ફોરેસ્ટ વિસ્તારમાં વસવાટ કરતા અભય ઉર્ફે રાણશી ખેરાજભાઈ ગઢવી પાસેથી દારૂ લીધાની કબૂલાત કરી હતી. જેના આધારે પીએસઆઈ કે.એમ. જાડેજા તથા સ્ટાફે રામ ગઢવીની ઓફિસવાળા મકાનમાં દરોડો પાડી તલાશી લેતાં ત્યાંથી અંગ્રેજી શરાબની ૩૫ બોટલ મળી આવી હતી. બોટલ તથા બે મોબાઈલ સાથે પોલીસે અભય ગઢવી તથા રામ ભારૂભાઈ ગઢવીની ધરપકડ કરી છે. આ બંને શખ્સે ભાટિયાના રામ નાથા ગઢવી તથા ભાણવડના રાણપરના વીરા ભાયા રબારીના નામ આપ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
