Author: નોબત સમાચાર
કાલાવડના રાજસ્થળી પાસે રોડ પરથી ઉતરીને રિક્ષાએ માર્યુ ગોથુંઃ રાજકોટના તરૂણનું મૃત્યુ
મામા-ફઈના ભાઈ ચક્કર મારવા નીકળ્યા હતાઃ
જામનગર તા. ૧૬ઃ કાલાવડના રાજસ્થળી ગામમાં મામાના ઘેર આવેલા રાજકોટના એક તરૂણનું રિક્ષા ગોથું મારી જતાં ઈજા થવાથી મૃત્યુ નિપજ્યું છે. મૃતક તથા તેમના ફઈના દીકરા ગઈકાલે બપોરે રિક્ષામાં હવા ભરાવવા નીકળ્યા પછી ફઈના દીકરાની ગફલતથી રિક્ષાએ પલ્ટી મારી હતી.
રાજકોટના કાલાવડ રોડ પર આવેલા ઈસ્કોન મંદિર પાછળ એપાર્ટમેન્ટમાં રહેતા વિજયભાઈ શામજીભાઈ મકવાણા નામના પ્રૌઢનો પુત્ર માનવ મકરસંક્રાંતિના તહેવાર નિમિત્તે વિજયભાઈના કાલાવડ તાલુકાના રાજસ્થળી ગામમાં રહેતા સાળા હસમુખભાઈ મુછડીયાને ત્યાં આવ્યો હતો.
મામાના ઘેરથી માનવ પોતાના પિતાની જીજે-૩-સીટી ૭૩૫ નંબરની રિક્ષા લઈને મામાના દીકરા વિવેક સાથે ગઈકાલે બપોરે હવા પુરાવવા માટે નીકળ્યો હતો. આ વેળાએ વિવેકે રિક્ષા ચલાવવા આપવાનું કહેતા માનવ પાછળ બેઠો હતો અને વિવેકે રિક્ષાનું ડ્રાઈવીંગ સંભાળ્યું હતું.
હવા ભરાવ્યા પછી બંને તરૂણો રિક્ષાની ચક્કર મારતા હતા ત્યારે રાજસ્થળી ગામથી ચાપરા ગામ તરફ આગળ વધેલી રિક્ષા અચાનક જ વિવેકના કાબુ બહાર જઈ રોડ ઉતરી ગયા પછી ગોથું ખાઈ ગઈ હતી. આ અકસ્માતમાં માનવને માથા સહિતના શરીરના અન્ય ભાગોમાં ગંભીર ઈજા થઈ હતી. આ તરૂણનું મૃત્યુ નિપજ્યું છે. બનાવની પોલીસને જાણ કરાતા કાલાવડ ગ્રામ્ય પોલીસ સ્ટેશનનો સ્ટાફ દોડી આવ્યો હતો. પોલીસે વિજયભાઈ મકવાણાની ફરિયાદ પરથી વિવેક હસમુખભાઈ સામે ગુન્હો નોંધ્યો છે. આ બનાવે રાજસ્થળી ગામમાં અરેરાટી પ્રસરાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
