Author: નોબત સમાચાર
લાલપુરના રીંઝપરમાં શેઢા પાડોશી વચ્ચે પથ્થર નાખવાની બાબતે બબાલ
બંને પક્ષે હુમલાની નોંધાવી સામસામી ફરિયાદઃ
જામનગર તા. ૨૩: લાલપુરના રીંઝપર ગામમાં વાડી વિસ્તારમાં ગઈકાલે બે સગા પાડોશીઓ વચ્ચે પથ્થરના પાળા બાબતે બોલાચાલી થયા પછી બંને વચ્ચે મારામારી થઈ હતી. બંને પક્ષે સામસામી ફરિયાદ નોંધાવી છે.
લાલપુર તાલુકાના રીંઝપર ગામના વાડી વિસ્તારમાં રહેતા નરેન્દ્રસિંહ રવુભા જાડેજા નામના ખેડૂત ગઈકાલે સવારે પોતાના ખેતરના શેઢે પથ્થરો મૂકી પાળો બનાવતા હતા ત્યારે બાજુમાં ખેતર ધરાવતા અને ત્યાંથી આવવા જવાનો માર્ગ મેળવતા જયસુખ પાલાભાઈ બેલાએ બોલાચાલી કરી હતી.
ત્યારપછી જયસુખ ઉપરાંત મુકેશ પાલાભાઈ બેલાએ ગાળો ભાંડી હતી અને લોખંડની ખપારીથી હુમલો કરી ફ્રેક્ચર સહિતની ઈજા પહોંચાડી હતી. આ શખ્સો સામે લાલપુર પોલીસ સ્ટેશનમાં ફરિયાદ કરવામાં આવી છે.
ઉપરોક્ત ફરિયાદની સામે જયસુખભાઈ બેલાએ વળતી ફરિયાદ નોંધાવી છે. જેમાં તેઓએ જણાવ્યા મુજબ તેઓના ખેતરના શેઢે ગઈકાલે નરેન્દ્રસિંહ રવુભા પથ્થરોનો ઢગલો કરતા હતા ત્યારે જયસુખભાઈએ તે પથ્થરો રસ્તા પર પડતા હોવાની વાત કરતા ઉશ્કેરાયેલા નરેન્દ્રસિંહે ગાળો ભાંડી ધમકી આપી હતી અને મહેશ પાલાભાઈ બેલા સાથે ઝપાઝપી કરી તેઓને તેમજ જયસુખભાઈને માથામાં પથ્થર ઝીંક્યો હતો. બંને ફરિયાદ પોલીસે રજીસ્ટરે લઈ આરોપીઓની ધરપકડ માટે તજવીજ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
