Author: નોબત સમાચાર
જાંબુડાના ક્રિષ્ના ઈન્સ્ટિટ્યુટની ૩૩.૬૩ ટકા પરિણામ સાથે ઝળહળતી સિદ્ધિઃ સૌરાષ્ટ્રમાં દ્વિતીય
ડિપ્લોમા એન્જિનિયરીંગમાં જીટીયુની સરેરાશ કરતા વધુ પરિણામઃ
જામનગર તા. ર૩: ગુજરાત ટેકનોલોજીકલ યુનિવર્સિટી દ્વારા ડિસેમ્બર-ર૦ર૩મા લેવાયેલ ડિપ્લોમા પ્રથમ સેમેસ્ટરની પરીક્ષામાં જીટીયુનું ઓવરઓલ પરિણામ રપ.પ૦ ટકા હતું. આ સાથે ક્રિષ્ના ઈન્સ્ટિટયુટ ઓફ એન્જીનિયરીંગ એન્ડ ટેકનોલોજી દ્વારા ૩૩.૬૩ પરિણામ સાથે સમગ્ર સૌરાષ્ટ્ર ઝોનમાં ઈલેક્ટ્રિકલ બ્રાન્ચ દ્વિતીય સ્થાન, કેમિકલ બ્રાન્ચ તૃતીય સ્થાન તથા મેકેનિકલ બ્રાન્ચ દ્વારા ચોથા સ્થાન પ્રાપ્ત કરી સિદ્ધિ મેળવી છે. જેમાં ક્રિષ્ના ઈન્સ્ટિટયુટની મેકેનિકલ બ્રાન્ચમાં ખેતાણી નમન ૯.૩પ એસપીઆઈ સાથે પ્રથમ ક્રમાંકે, કેમિકલ બ્રાન્ચમાં ભટ્ટ અનિકેત ૯.ર૬ એસપીઆઈ સાથે દ્વિતીય ક્રમાંકે અને ઈલેક્ટ્રિકલ બ્રાન્ચમાં રાઠોડ ઘનશ્યામ ૯.૧૦ એસપીઆઈ સાથે તૃતીય ક્રમાંકે સિદ્ધિ પ્રાપ્ત કરેલ છે.
આ પહેલા પણ જીટીયુના વર્ષ-ર૦ર૧ અને વર્ષ ર૦૧૮ ના એસપીઆઈ ડબ્લ્યુઆઈએસઈ પરિણામમાં જીટીયુ સંલગ્ન ગુજરાતની તમામ ડિપ્લોમા કોલેજના ક્રિષ્ના ઈન્સ્ટીટયુટ દ્વારા પ્રથમ ક્રમાંક પ્રાપ્ત કરવાની સફળતા મળે છે. તેમજ જીટીયુ દ્વારા લેવાયેલ વિવિધ સત્રની પરીક્ષાઓમાં અત્યાર સુધીમાં અનેક વખત ટોપ ૧૦ માં ક્રમાક પ્રાપ્ત કરેલ છે. વિદ્યાર્થીઓએ મેળવેલી સફળતા માટે ટ્રસ્ટી જેરામભાઈ વાસજાળીયા, બાબુભાઈ ઘોડાસરા, રમેશભાઈ રાણીપા તથા કેમ્પસ ડિરેકટર કેશુભાઈ ઘેટીયા દ્વારા પ્રિન્સિપાલ પિયુષભાઈ કાનાણી તથા તમામ સ્ટાફગણ અને વિદ્યાર્થીઓને શુભેચ્છા પાઠવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
